7. (a) Didi eyaa Hana ọ ya, kọ fikieme? Kọ eme ọ via? (b) Eme Samuẹle o ti ru fiki eyaa Hana na? (Rri ẹme-obotọ.)

⁷ Hana yọ omọfa jọ nọ o koko eyaa nọ ọ ya kẹ Jihova. Ọ ya eyaa riẹ evaọ okenọ ọ jẹ rẹriẹ ovao dhe ẹbẹbẹ, nọ ovruvrẹ riẹ ọ jẹ hae wọviẹ iẹe fikinọ ọ jọ ọga. (1 Sam. 1:​4-7, 10, 16) Hana o horie eva riẹ kẹ Ọghẹnẹ evaọ olẹ jẹ ya eyaa kẹe nọ: “O ỌNOWO na ọgbaẹmo, otẹ ruọ owhẹ, who te riwi ẹbẹbẹ odibo ọmọtẹ ra, whọ tẹ kareghẹ họ omẹ, re odibo ọmọtẹ ra ọ gbẹ thọrọ owhẹ ẹro ho, rekọ whọ te kẹ odibo ọmọtẹ ra ọmọzae, kọ mẹ rẹ rehọ iẹe kẹ ỌNOWO na evaọ edẹ uzuazọ riẹ kpobi, are o re te uzou riẹ hẹ.”a (1 Sam. 1:11) Ọghẹnẹ o yo olẹ Hana, kẹsena o te yẹ ọmọzae. Onana o lẹliẹ eva were Hana gaga. Rekọ eyaa nọ ọ ya kẹ Ọghẹnẹ na e thọrọ e riẹ ẹro ho. Nọ o yẹ ọmọzae na no, ọ tẹ ta nọ: “Mẹ yariẹe no obọ ỌNOWO na ze.”​—1 Sam. 1:20.