• ‘Ọnowo na . . . O Wo Ogaga Ulogbo’
    Si Kẹle Jihova

    • 15. Fiki ẹjiroro vẹ Jihova ọ jẹ rehọ ogaga riẹ ro ruiruo evaọ eware nọ i kpomahọ idibo riẹ, kọ ẹvẹ o ro dhesẹ onana via evaọ oma Elaeja?

      15 Jihova ọ rẹ jẹ rọ ogaga riẹ ruiruo nọ e rẹ k’omai erere wọhọ omomọvo. Muẹrohọ oware nọ 2 Iruẹru-Ivie 16:9 o ta: “Ibiaro ỌNOWO na e rẹ nya akpọ na re re o dhesẹ ẹgba riẹ rọ kẹ enọ i wo eva efuafo rọ kpahe iẸe.” Oware nọ Elaeja ọ rọ ẹro ruẹ, nọ ma jọ emuhọ fodẹ na, yọ oriruo jọ. Fikieme Jihova ọ jẹ kẹe odhesẹvia idudu ọrọ ogaga urirẹ oyena? Whaọ, Jezibẹl Ovie-Aye ọgeva na o seha nọ o re kpe Elaeja no. Ọruẹaro na ọ jẹ dhẹ kẹ uzuazọ riẹ. Ọ jọ goli, avọ ozọ, avọ iroro ewhrehe—epaọ ẹsenọ iruo egaga riẹ kpobi e rrọ ivrẹvru. Re ọ sasa ọzae nọ udu u bi nuhu na oma, Jihova ọ tẹ rehọ edhere ovevẹ kareghẹhọ Elaeja ogaga urirẹ riẹ. Ofou, otọ nọ u nuhu, gbe erae na i dhesẹ nọ Ohwo nọ ọ mae ga kpobi evaọ ehrugbakpọ na ọ rrọ etẹe kugbe Elaeja. Ono họ Jẹzibẹl nọ ọ rẹ dhozọ riẹ, nọ Ọghẹnẹ erumeru na ọ rọ kugbei na?—1 Ivie 19:1-12.b

  • ‘Ọnowo na . . . O Wo Ogaga Ulogbo’
    Si Kẹle Jihova

    • b Ebaibol na ọ ta nọ “ỌNOWO na ọ jọ eva ofou na ha; . . . , otọ unuho na ha. . . , erae na ha.” (Ẹjẹlẹ ibiẹme na ọmai.) Wo ohẹriẹ no egegagọ eghẹnẹ erue, idibo Jihova e rẹ jọ eva ogaga emama akpọ na gwọlọ iẹe he. Ọ rro gaga vi epanọ ọ sae rọ jọ evaọ oware jọ nọ ọ ma.—1 Ivie 8:27.