-
O Dikihẹ kẹ Ahwo ỌghẹnẹRọ Aro Kele Ẹrọwọ Rai
-
-
19. Eme Heman ọ gwọlọ ru, kọ eme ọ ta kẹ ovie na?
19 Eva e dha Heman gaga. Fikiere ọ tẹ jẹ gwọlọ epanọ o re ro kpe Mọdekae avọ ahwo riẹ kpobi no. Heman ọ tẹ nya bru ovie na jẹ ta ẹme oyoma ahwo Ju kẹe. Ọ fodẹ ẹko ahwo na ha, rekọ ọ ta kẹ ovie na nọ ahwo nana a wo iruo ọvo kẹ ovie na ha, gbe nọ a “vaha abọ vọ udevie ahwo kpobi.” Tubẹ mai yoma na, ọ ta kẹ ovie na nọ ahwo na a bi koko izi riẹ hẹ; fikiere ewegrẹ ovie na a rrọ. Ọ tẹ jẹ ta kẹ ovie na nọ ọ rẹ hwa igho buobu fihọ uwou-igho ovie na nọ a ti ro kpe ahwo Ju na.d Ahasuerọs ọ tẹ kẹ Heman ẹmẹro riẹ re ọ rọ whobọhọ oware kpobi nọ ọ gwọlọ ru.—Ẹsta 3:5-10.
-
-
O Dikihẹ kẹ Ahwo ỌghẹnẹRọ Aro Kele Ẹrọwọ Rai
-
-
d Heman ọ ta nọ ọ rẹ kẹ ovie na isiliva idu-ikpe, igho nọ i bu te enaera ima-idu buobu evaọ oke mai na. Otẹrọnọ Ahasuerọs họ Xerxes I, igho nọ Heman ọ kẹ riẹ na e te ginẹ were iẹe gaga, keme Xerxes ọ gwọlọ igho buobu nọ ọ rẹ rọ dẹ ekwakwa ẹmo nọ o re ro fi Grisi kparobọ, ẹmo nọ o kie kpei uwhremu na.
-