Agbẹta nọ Jihova ọ rọ ta nọ ezae na a rẹ jẹ lele iei na! Jihova ọ ta kẹ ae nọ a rẹ rọ iruẹ ihrẹ gbe igbo ihrẹ ro dhe idhe. Onana yọ okolo idhe he keme uwhremu na evaọ oke emọ Izrẹl, Jihova ọ ta nọ ozerẹ okpehru nọ ọ raha uzi nọ o wha ẹbẹbẹ se orẹwho na soso ọ rẹ rehọ eruẹ ro dhe idhe. (Iruo-Izerẹ 4:3) Evaọ Uzi Mosis, eruẹ họ arao nọ ọ mae ghae nọ a re ro dhe idhe. U te no ere no, Jihova ọ ta nọ re ọ tẹ jẹ idhe na rehọ, Job ọ rẹ lẹ kẹ ae tao.d (Job 42:8) Avro ọ riẹ hẹ, udu u te Job otọ nọ Jihova ọ ta nọ ezae nana a kienyẹe.