Oghẹrẹ Uzuazọ Vẹ Ọghẹnẹ Ọ Gwọlọ nọ Ma Yeri?

Reawere Uzuazọ Bẹdẹ Bẹdẹ!—Uwuhrẹ Ebaibol nọ O te Kẹ Owhẹ Erere
- UWUHRẸ AVỌ 25
  
  Oghẹrẹ Uzuazọ Vẹ Ọghẹnẹ Ọ Gwọlọ nọ Ma Yeri?
  Ebaibol ọ ta nọ, uzuazọ ohwo-akpọ ‘o rẹ tọ họ, yọ o vọ avọ uye.’ (Job 14:1) Kọ ere Ọghẹnẹ ọ ginẹ gwọlọ nọ o rẹ jọ? O gbẹ rrọ ere he, ẹvẹ ọ gwọlọ nọ uzuazọ mai o rẹ jọ? Kọ o te jọ epanọ ọ gwọlọ ẹdẹ jọ? Whọ te ruẹ emamọ iyo nọ Ebaibol na ọ kẹ.
  
  1. Oghẹrẹ uzuazọ vẹ Ọghẹnẹ ọ gwọlọ nọ ma yeri?
  
  Jihova ọ gwọlọ nọ ma yeri uzuazọ evawere. Okenọ ọ ma ahwo-akpọ ọsosuọ, Adamu avọ Ivi, o te fi ai họ aparadase owowoma jọ nọ o se ọgbọ Idẹn. Kẹsena “Ọghẹnẹ ọ tẹ ghale ae, Ọghẹnẹ ọ tẹ ta kẹ ae nọ: ‘Wha vihọ re wha jọ buobu, wha vọ otọakpọ na je woi.’ ” (Emuhọ 1:28) Jihova ọ gwọlọ nọ a re yẹ emọ, a re ru otọakpọ na soso fihọ aparadase, a vẹ jẹ rẹrote erao na. Ọ gwọlọ nọ ahwo kpobi a re wo omokpokpọ jẹ rria bẹdẹ bẹdẹ.
  
  O make rọnọ eware e nya epanọ Ọghẹnẹ ọ jiroro ho na,a ẹjiroro riẹ u ri nwene he. (Aizaya 46:10, 11) Ọ gbẹ gwọlọ nọ ahwo-akpọ nọ a bi yoẹme kẹe a rẹ rria bẹdẹ bẹdẹ ababọ uye-oruẹ.—Se Eviavia 21:3, 4.
  
  2. Ẹvẹ ma sai ro yeri emamọ uzuazọ enẹna?
  
  Jihova ọ ma omai evaọ oghẹrẹ nọ ma rẹ rọ gwọlọ “riẹ” jẹ gọ ọyomariẹ. (Se Matiu 5:3-6.) Ọ gwọlọ nọ ma wo usu okpekpe kugbei, re ma “nya evaọ idhere riẹ kpobi, . . . you rie,” ma vẹ jẹ rọ “udu [mai] kpobi” rọ gọe. (Iziewariẹ 10:12; Olezi 25:14) Ma te ru ere, ma re wo evawere nọ i no obotọ eva ze o tẹ make rọnọ ma wo ebẹbẹ. Nọ ma tẹ be gọ Jihova, ma re yeri emamọ uzuazọ jẹ riẹ oware nọ u fo nọ ma re ru.
  GBE WUHRẸ EWARE EFA
  
  Wuhrẹ kpahe uyoyou ulogbo nọ Jihova o dhesẹ okenọ ọ jẹ ma otọakpọ na kẹ omai gbe oware nọ Ebaibol na ọ ta kpahe ẹjiroro nọ ma rọ rrọ uzuazọ.
  
  3. Jihova ọ gwọlọ nọ ahwo-akpọ a yeri uzuazọ evawere
  
  Kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.
  
  IVIDIO: Fikieme Ọghẹnẹ Ọ rọ Ma Otọakpọ Na?—Amabọ Jọ Riẹ (1:41)
  
  Fikieme Ọghẹnẹ ọ rọ ma otọakpọ owowoma mai na?
  
  Se Ọtausiuwoma Na 3:11, kẹsena wha vẹ ta ẹme kpahe onọ nana:
  
  Eme onana u wuhrẹ owhẹ kpahe Jihova?
  
  4. Ẹjiroro Jihova u ri nwene he
  
  Se Olezi 37:11, 29 gbe Aizaya 55:11, kẹsena wha vẹ ta ẹme kpahe onọ nana:
  
  Ẹvẹ ma rọ riẹ nọ Jihova o ri nwene iroro ho evaọ oware nọ ọ gwọlọ ru kẹ omai?
  
  A rẹ sae ruẹrẹ uwou nọ o raha no. Epọvo na Ọghẹnẹ ọ te ruẹrẹ otọakpọ nana nọ ahwo-akpọ a raha no na họ kẹ ahwo nọ a you rie
  
  5. Ma tẹ be gọ Jihova, ma re yeri emamọ uzuazọ
  
  Nọ ma tẹ riẹ ẹjiroro nọ ma rọ rrọ uzuazọ u re ru eva were omai. Kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.
  
  IVIDIO: Me Wuhrẹ Ẹjiroro nọ Ma rọ Rrọ Uzuazọ (5:03)
  
  Irere vẹ Terumi o wo fikinọ o wuhrẹ ẹjiroro nọ ọ rọ rrọ uzuazọ?
  
  Se Ọtausiuwoma Na 12:13, kẹsena wha vẹ ta ẹme kpahe onọ nana:
  
  Nọ orọnọ Jihova o ru eware buobu kẹ omai no na, eme o gba omai họ nọ ma re ru kẹe?
  
  OHWO JỌ Ọ TẸ NỌ OWHẸ NỌ: “Fikieme ma rọ rrọ uzuazọ?”
  
  Didi uyo whọ te kẹe?
  EME WHO WUHRẸ NO?
  
  Jihova ọ gwọlọ nọ ma rria otọakpọ na bẹdẹ bẹdẹ, yọ ọ gwọlọ nọ ma ruẹ uye vievie he. Nọ ma tẹ be rọ udu mai kpobi gọ Jihova, ma re yeri emamọ uzuazọ, makọ enẹna dede.
  
  Ọkiẹkpemu
  
  Oghẹrẹ uzuazọ vẹ Jihova ọ gwọlọ nọ Adamu avọ Ivi a yeri?
  
  Ẹvẹ ma rọ riẹ nọ Ọghẹnẹ o ri nwene iroro ho evaọ oware nọ ọ gwọlọ ru kẹ ahwo-akpọ?
  
  Ẹvẹ whọ sai ro yeri emamọ uzuazọ?
  
  Ẹdẹ nọ ma ro wuhrẹ re:
  
  Utee nọ whọ rẹ sai fihọ
  Daoma vuẹ ohwo jọ kpahe uzuazọ evawere nọ Jihova ọ gwọlọ nọ ma yeri.
  
  Utee ọfa:
  Your other goal
  
  KIẸ KPAHE EFA
  
  Se kpahe oware nọ o kẹ omai imuẹro nọ ọgbọ Idẹn o ginẹ jọ.
  
  “Iku Ọgbọ Idẹn—Iku Esia Manikọ Iku Uzẹme?” (Uwou-Eroro Na, Ọvo 1, 2011)
  
  Wuhrẹ oware nọ u ro mu omai ẹro nọ otọakpọ na o te jọ bẹdẹ bẹdẹ.
  
  “Kọ A te Raha Otọakpọ Na?” (Uzoẹme nọ o rrọ itanẹte)
  
  Se kpahe oware nọ Ebaibol na ọ ta nọ o rẹ sai fiobọhọ kẹ owhẹ yeri emamọ uzuazọ.
  
  “Fikieme Ma rọ Rrọ Uzuazọ?” (Uzoẹme nọ o rrọ itanẹte)
  
  Rri epanọ ọzae jọ nọ o roro nọ o wo eware kpobi no ọ rọ ruẹ oware nọ o wo evaọ uzuazọ riẹ hẹ.
  
  Me bi Yeri Emamọ Uzuazọ Enẹna (3:55)
  a Evaọ uwuhrẹ nọ o kẹle onana, who ti wuhrẹ oware nọ ma be rọ ruẹ uye nẹnẹ.

Eme Họ Uvie Ọghẹnẹ?

Reawere Uzuazọ Bẹdẹ Bẹdẹ!—Uwuhrẹ Ebaibol nọ O te Kẹ Owhẹ Erere
- 2. Amono a ti lele Jesu su?
  
  Jesu ọvo o ti su evaọ Uvie na ha. Ahwo nọ a no “orua kpobi, ẹrọunu kpobi, utu ahwo gbe orẹwho kpobi ze . . . a te jọ ivie nọ i ti su otọakpọ na.” (Eviavia 5:9, 10) Bro ahwo a ti lele Kristi su? Anwẹnọ Jesu ọ rọ ziọ otọakpọ je zihe kpobọ odhiwu no na, ima ahwo buobu a zihe ruọ ilele riẹ no. Rekọ ahwo idu udhuhrẹ-gbene (144,000) ọvo a ti kpobọ odhiwu nyai lele Jesu su. (Se Eviavia 14:1-4.) Ileleikristi efa kpobi a te jọ otọ Uvie na evaọ otọakpọ.—Olezi 37:29.

Eware nọ Uvie na U ti Ru

Reawere Uzuazọ Bẹdẹ Bẹdẹ!—Uwuhrẹ Ebaibol nọ O te Kẹ Owhẹ Erere

Eware nọ Uvie na U ti Ru

Ma be ta ẹme na, Uvie Ọghẹnẹ u bi su. Uviemenẹ u ti ru eware kpobi woma evaọ otọakpọ na. Joma ta ẹme kpahe emamọ eware jọ nọ whọ sai rẹro rai evaọ Uvie Ọghẹnẹ.

1. Ẹvẹ Uvie Ọghẹnẹ u ti ro ru re udhedhẹ gbe uvioziẹ e jọ otọakpọ na?

Jesu nọ ọ rrọ Ovie Uvie Ọghẹnẹ na ọ te raha ahwo omuomu gbe egọmeti na no evaọ ẹmo Amagidọn. (Eviavia 16:14, 16) Evaọ oke yena, eyaa nana nọ e rrọ Ebaibol na i ve ti rugba riẹriẹriẹ: “Omoke kakao ọvo u kiọkọ, ahwo omuomu na a gbẹ te jọ họ.” (Olezi 37:10) Evaọ Uvie na, Jesu o ti ru udhedhẹ vọ otọakpọ na je bru uvioziẹ.—Se Aizaya 11:4.

2. Ẹvẹ uzuazọ o te jọ evaọ okenọ a ti ru oreva Ọghẹnẹ evaọ otọakpọ na?

Evaọ Uvie Ọghẹnẹ, “ahwo okiẹrẹe na a te rọ otọakpọ na reuku, yọ a te rriae bẹdẹ bẹdẹ.” (Olezi 37:29) Dae rehọ iẹe nọ whọ rrọ akpọ nọ ohwo kpobi o jo kiẹrẹe, ahwo kpobi a te je you Jihova gbe ohwohwo! O gbẹ te were? Ohwo ọvo ọ te mọ họ, ahwo kpobi a te rria bẹdẹ bẹdẹ.

3. Eme Uvie Ọghẹnẹ u ti ru okenọ a tẹ raha ahwo omuomu na no?

Nọ a tẹ raha ahwo omuomu no, Jesu o ti su evaọ ikpe odu ọvo (1,000). Evaọ oke yena, tei te ahwo idu udhuhrẹ-gbene (144,000) nọ a ti lele iei su na a ve ti fiobọhọ kẹ ahwo-akpọ jọ gbagba. Evaọ obọ ekuhọ etoke yena, yọ a zihe akpọ na ruọ aparadase owowoma no, yọ ahwo nọ eva e be were fikinọ a bi yoẹme kẹ Jihova ọvo a te jariẹ. Jesu o ve ti zihe esuo na kẹ Jihova Ọsẹ riẹ. Evaọ oke yena, “odẹ [Jihova] o [vẹ te] jọ fuafo.” (Matiu 6:9, 10) O te jọ vevẹ nọ Jihova yọ emamọ Osu nọ ọ be rẹrote ahwo kpobi nọ o bi su. Kẹsena Jihova ọ vẹ te raha Setan, idhivẹri na, gbe amọfa kpobi nọ a be wọso esuo riẹ no. (Eviavia 20:7-10) Eware iwoma nọ Uvie Ọghẹnẹ u ti ru na e te jọ bẹdẹ bẹdẹ.

GBE WUHRẸ EWARE EFA

Wuhrẹ oware nọ o sai ro mu omai ẹro nọ Ọghẹnẹ ọ te rehọ Uvie na ru eyaa kpobi nọ ọ yaa evaọ Ebaibol na gba evaọ obaro.

4. Uvie Ọghẹnẹ u ti si egọmeti ahwo-akpọ notọ

“Ohwo o . . . su ọrivẹ riẹ ruọ uye” no. (Ọtausiuwoma Na 8:9) Jihova ọ te rọ Uvie na si uye nọ okienyẹ ọ wha ze no notọ.

Se Daniẹl 2:44 gbe 2 Ahwo Tẹsalonika 1:6-8, kẹsena wha vẹ ta ẹme kpahe enọ nana:

Eme Jihova avọ Jesu Ọmọ riẹ a ti ru egọmeti ahwo-akpọ avọ ahwo nọ a rrọ abọ rai kpobi?
Ẹvẹ eware nọ who wuhrẹ kpahe Jihova avọ Jesu no e rọ kẹ owhẹ imuẹro nọ a ti kienyẹ ohwo ọvo ho?

Jesu nọ ọ rrọ obọ odhiwu bi su aparadase otọakpọ.

5. Jesu họ Ovie nọ ọ mai woma kpaobọ

Jesu nọ ọ rrọ Ovie Uvie Ọghẹnẹ na o ti ru eware buobu nọ e te kẹ ahwo nọ o bi su erere. Kporo IVIDIO na re whọ ruẹ oghẹrẹ nọ Jesu o ro dhesẹ no inọ ọ gwọlọ fiobọhọ kẹ ahwo, o te je wo ogaga nọ Ọghẹnẹ ọ kẹ riẹ nọ o re ro ru ere.

IVIDIO: Jesu O Dhesẹ Eware nọ Uvie na U ti Ru (1:13)

Okenọ Jesu ọ jọ otọakpọ, o ru eware nọ i dhesẹ eware nọ o ti ru evaọ Uvie na. Eghale vẹ evaọ usu eghale nana whọ be mae rẹro rai? Se eria Ebaibol nana nọ a jọ fodẹ eghale yena.

NỌ JESU Ọ JỌ OTỌAKPỌ . . .	NỌ JESU Ọ RRỌ OBỌ ODHIWU NA, O TI . . .
o ru okpofou gbe ẹkporo serihọ.—Mak 4:36-41.	si eware kpobi nọ e be nua otọakpọ na no.—Aizaya 35:1, 2.
ọ rehọ edhere igbunu kuọ idu ahwo.—Matiu 14:17-21.	si ohọo no akpọ na.—Olezi 72:16.
o siwi ahwo buobu nọ a jẹ mọ.—Luk 18:35-43.	si oghẹrẹ ẹyao kpobi notọ.—Aizaya 33:24.
ọ kpare ahwo no uwhu ze. —Luk 8:49-55.	si uwhu gbe eware iyoma kpobi nọ o rẹ wha ze no.—Eviavia 21:3, 4.

6. Uvie Ọghẹnẹ u ti ru akpọ na woma evaọ obaro

Uvie na u ti ru oware nọ Jihova o wo họ iroro rọ ma ahwo-akpọ evaọ oke ọsosuọ gba. Ahwo a te rria bẹdẹ bẹdẹ evaọ aparadase otọakpọ. Kporo IVIDIO na re whọ ruẹ epanọ Jihova ọ be rọ rehọ Jesu Ọmọ riẹ ru ẹjiroro Riẹ gba.