9. Eme ọso-ilezi na ọ rehọ ikpe odu ẹria ohwo-akpọ rọ wawo?

⁹ Ẹzi ọ kẹ ọso-ilezi na ẹgba rehọ odu ikpe ọrọ ẹria ohwo-akpọ rọ wawo etoke nọ o kpẹre gaga evaọ eriwo Ọnọma ebẹdẹ bẹdẹ na. Nọ ọ jẹ t’ẹme kẹ Ọghẹnẹ, o kere nọ: “Who re ru ohwo zihe ruọ ẹkpẹ, whọ jẹ ta nọ, ‘O whai emọ ahwo, wha zihe!’ Keme odu-ikpe ọvo eva aro ra ọ wọhọ odẹ nọ o kpemu evaọ okenọ o vrẹ no, hayo ohẹrẹ evaọ oke aso.”—Olezi 90:3, 4.

11. Fikieme ma sae rọ ta nọ oke nọ o rrọ thethei k’omai o rrọ kpẹkpẹe gaga kẹ Ọghẹnẹ?

¹¹ No eriwo Jihova ze, makọ Methusẹla nọ ọ kpako te ikpe 969 na dede ọ rria te ẹdẹ ọvo ho. (Emuhọ 5:27) Rọkẹ Ọghẹnẹ ikpe odu e wọhọ odẹnukpo—etoke euwa 24 gheghe—nọ o tẹ vrẹ no. Ọso-ilezi na ọ tẹ jẹ fodẹ nọ rọkẹ Ọghẹnẹ ikpe odu e wọhọ euwa ene nọ oroiro o re ro rrou evuẹ evaọ aso. (Ibruoziẹ 7:19) Fikiere, u re vevẹ nọ oke nọ o rrọ thethei k’omai o rrọ kpẹkpẹe gaga kẹ Ọghẹnẹ ebẹdẹ bẹdẹ na, Jihova.