18, 19. Eme vẹ Ebaibol na e rọ tuduhọ omai awọ nnọ ma fi eva họ Jihova, rekọ evaọ abọ ọyena, iroro ethọthọ vẹ ahwo jọ a wo?

¹⁸ Ẹme Ọghẹnẹ ọ tuduhọ omai awọ nọ: “Rehọ ẹroọrọsuọ ra kpobi kpahe ỌNOWO na whọ rehọ eva kpahe ẹriẹ omobọ ra ha. Eva idhere ra kpobi ọ thọrọ owhẹ ẹro ho, o ve ti ruọ idhere ra kpọvi.” (Itẹ 3:5, 6) Eme eyena i siuru gaga, jẹ vọ avọ imuẹro. Evaọ uzẹme, uvumọ ohwo ọ rrọ ehrugbakpọ na nọ a rẹ sai fi eva họ vi Ọsẹ obọ odhiwu oyoyou mai na ha. Ghele na, ese eme eyena nọ e rrọ obe Itẹ na o lọhọ vi efihiruo rai.

22, 23. (a) Fikieme ma je fi eva họ Jihova okenọ ma tẹ rẹriẹ ovao ku ebẹbẹ, kọ ẹvẹ ma sai ro ru ere? (b) Eme ma te ta kpahe evaọ uzoẹme n’otha na?

²² Dede na, Itẹ 3:6 u dhesẹ nnọ ‘evaọ idhere mai kpobi ma jọ Jihova ọ thọrọ omai ẹro ho,’ orọnikọ okenọ ma tẹ rẹriẹ ovao ku iyero ebẹbẹ ọvo ho. Fikiere iroro nọ ma be jẹ kẹdẹ kẹdẹ i re dhesẹ eva nọ ma fihọ Jihova. Okenọ ebẹbẹ e tẹ roma via, ma rẹ jọ ọkora ha, guegue, hayo siọ uketha Jihova ha kpahe emamọ edhere nọ a re ro ku ebẹbẹ na họ. U fo re ma rri edawọ wọhọ uvẹ nọ ma rẹ rọ tha esuo Jihova uke, fi obọ họ dhesẹ Setan fihọ ọtọrue, jẹ bọ ẹmeoyo gbe ekwakwa efa nọ e rẹ were Jihova.—Ahwo Hibru 5:7, 8.