-
Iyẹrẹ Usiuwoma Ota—“Idhu na . . . E Who no kẹ Ivuẹvu”Uvie Ọghẹnẹ U Muhọ Esuo No!
-
-
15. Ẹvẹ eme nọ e rrọ Aizaya 60:5, 22 i bi ro rugba? (Rri ẹkpẹti na re, “Jihova Họ Ọnọ O Ru Rie,” gbe “Oghẹrẹ nọ ‘Enọ E Mae Kao’ I ro Zihe Ruọ ‘Orẹwho Ulogbo.’” )
15 Ikpe egba eree (800) taure Jesu ọ tẹ te rọ etadhesẹ yena ta ẹme, Jihova ọ rehọ ẹkwoma Aizaya ta vevẹ epanọ iruo ivuẹvu na e te nyaharo te gbe oghọghọ nọ u ti noi ze.c Jihova o dhesẹ nọ ahwo a ti zurie no “ugbo tha,” a ve ti kuomagbe ukoko riẹ. Ọ ta kẹ aye jọ nọ o dikihẹ kẹ enọ a rọ ẹzi wholo nọ e gbẹ rrọ otọakpọ na, inọ: “Wha rẹ te ruẹ, wha ve ti lo nwranwranwra, eva rai e vẹ te jajavi avọ oghọghọ; keme efe abade na i re ti su bru owhai tha, gbe efe erẹwho na i re ti bru owhai tha.” (Aiz. 60:1, 4, 5, 9) Eme yena i gine rugba! Nẹnẹ, idibo Jihova nọ i kri no evaọ ukoko na a vọ avọ oghọghọ nọ a be ruẹ epanọ umutho iwhowho-uvie nọ e jọ orẹwho rai i ro bu te idu iwhowho-uvie buobu no.
-
-
Iyẹrẹ Usiuwoma Ota—“Idhu na . . . E Who no kẹ Ivuẹvu”Uvie Ọghẹnẹ U Muhọ Esuo No!
-
-
c Emọ-Uwuhrẹ Ebaibol na a wo otoriẹ uzẹme yena no evaọ oke yena. Emagazini ọ Zion’s Watch Tower ọrọ Akpegbọvo 15, 1895, o ta nọ: “O tẹ make rọnọ umutho eka jọ ọvo a kokohọ, yọ ma se isẹri ruaro kpahe uzẹme na no ghele. . . . Ohwo kpobi ọ sae ta usiuwoma na.”
-