3. (a) Eme umure nọ o rrọ “rọkẹ Juda” na u dikihẹ kẹ? (b) Fikieme “umure Ifremu” na u ro dikihẹ kẹ uvie erua ikpe Izrẹl?

³ Jihova ọ ta kẹ Izikiẹl nọ ọ tọlọ imire ivẹ re o kere fihọ ọjọ nọ, “rọkẹ Juda,” o ve kere fihọ ọdekọ nọ, “rọkẹ Josẹf, umure Ifremu.” (Se Izikiẹl 37:15, 16.) Eme imire ivẹ nana i dikihẹ kẹ? Umure nọ o rrọ “rọkẹ Juda” na u dikihẹ kẹ uvie erua ivẹ Juda avọ Bẹnjamin. Ivie nọ i no uyẹ Juda ze i je su erua ivẹ nana; izerẹ na e tẹ jẹ jọ kugbe ai, keme a jẹ hae jọ etẹmpol nọ ọ rrọ Jerusalẹm gbodibo. (2 Irv. 11:13, 14; 34:30) Fikiere, uvie Juda ivie nọ i no uyẹ Devidi ze avọ izerẹ nọ e rrọ ahwo Livae a jọ. “Umure Ifremu” na u dikihẹ kẹ uvie erua ikpe Izrẹl. Fikieme ma rọ ta ere? Keme Jeroboam nọ ọ jọ ovie ọsosuọ nọ o su uvie erua ikpe na, orua Ifremu o no ze. Nọ u te oke jọ, orua Ifremu u te zihe ruọ orua nọ o mae viodẹ evaọ Izrẹl. (Izie. 33:17; 1 Iv. 11:26) Muẹrohọ nọ ivie nọ i no uyẹ Devidi ze hayo izerẹ nọ e rrọ ahwo Livae a jọ uvie erua ikpe Izrẹl na ha.

Jihova ọ ta kẹ Izikiẹl nọ ọ tọlọ imire ivẹ re o kere fihọ ọjọ nọ, “rọkẹ Juda,” o ve kere fihọ ọdekọ nọ, “rọkẹ Josẹf, umure Ifremu.”

“rọkẹ Juda”

OKE ANWAE

Uvie erua ivẹ Juda

OKE MAI NA

Ileleikristi nọ a rọ ẹzi wholo na

“rọkẹ Josẹf, umure Ifremu”

OKE ANWAE

Uvie erua ikpe Izrẹl

OKE MAI NA

Igodẹ efa na