4. Eme odhesẹvia ọfa nọ Izikiẹl ọ rọ imire na ru u dhesẹ? (Rri uwoho nọ o rrọ emuhọ uzou nana.)

⁴ Jihova ọ tẹ jẹ vuẹ Izikiẹl nọ o ku imire ivẹ na kugbe “re i zihe ruọ umure ọvo.” Nọ ahwo na a bi rri Izikiẹl na, a tẹ be nọe nọ: “Kọ whọ gbẹ vuẹ omai otọ eware nana?” Ọ tẹ vuẹ ae nọ oware nana nọ o ru na u dhesẹ oware nọ Jihova omariẹ o ti ru. Jihova ọ ta kpahe imire ivẹ na nọ: “Me [ti] ru ai fihọ umure ọvo, a ve zihe ruọ ọvo evaọ obọ mẹ.”​—Izik. 37:17-19.

5. Eme họ otofa imire ivẹ nọ Izikiẹl o kugbe na? (Rri ẹkpẹti na re, “Oghẹrẹ nọ A ro Ku Imire Ivẹ na Kugbe.”)

⁵ Kẹsena, Jihova ọ tẹ fa otọ oware nọ imire ivẹ nọ a kugbe na u dhesẹ. (Se Izikiẹl 37:21, 22.) A ti zihe ahwo uvie erua ivẹ Juda avọ ahwo uvie erua ikpe Izrẹl (Ifremu) nọ a rrọ igbo na ziọ ẹkwotọ Izrẹl, oria nọ a te jọ zihe ruọ “orẹwho ovo.”​—Jeri. 30:1-3; 31:2-9; 33:7.

“i zihe ruọ umure ọvo evaọ obọ ra”

OKE ANWAE

537 B.C.E. Idibo Ọghẹnẹ a zihe no erẹwho sa-sa ze, a tẹ wariẹ bọ Jerusalẹm, a tẹ jẹ gọ Ọghẹnẹ wọhọ orẹwho ovo.

OKE MAI NA

Anwọ 1919 ze, a rọ ẹmẹrera wariẹ ruẹrẹ idibo Ọghẹnẹ họ ziezi no, a tẹ jẹ be rọ okugbe ọvo gọ Ọghẹnẹ wọhọ “uthuru ọvo.”