EME NỌ A KERE FIHỌ UGBẸHẸ

7, 8. Ẹvẹ a ro bru ehaa Bẹlsheza dhe, kọ ẹvẹ u kpomahọ ovie na te?

⁷ Ebaibol na ọ ta nọ: “Epanomatana iziabọ ohwo e tẹ nya via, i te kere họ ehru ugbẹhẹ uwou-ovie, rẹriẹ aro kuọ ure adada; ovie na ọ ruẹ obọ na nọ u je kere.” (Daniẹl 5:5) Kinọ idudu! Obọ o roma via gheghe, u t’otọ t’ehru hu kẹle abọ ugbẹhẹ na nọ elo ọ rọ. Dai roro ọwhewhe nọ o re mu ahwo na nọ erara na a kuomarẹriẹ bi rri rie. Obọ na u te mu eme ididi jọ họ ekere fihọ ugbẹhẹ nọ a ralọ na.b Oware oka onana u gbunu te epanọ rite inẹnẹ ahwo a rẹ ta nọ “ekere na o rọ ugbẹhẹ” ro dhesẹ unuovẹvẹ orọ ẹkẹle okpẹtu.