12. Uzi vẹ ahwo Kaldia jọ a ro gu emọ esa Hibru na, kọ fikieme?

¹² Ẹsiọ iletu Hibru esa enana re a gọ ẹmema na o dha ahwo Kaldia jọ eva. Idudhe na, a tẹ nya bru ovie na je ‘gu emoha Ju na.’d A du gwọlọ yo unu rai hi. Fikinọ a gwọlọ re a kẹ emoha Hibru na uye fiki ababọ omarokpotọ gbe uzou-uveghe kẹ egọmeti, ewegrẹ na a tẹ ta nọ: “Ahwo [Ju] jọ a rọ nọ who ro mu re a jọ isu evaọ ubrotọ Babilọn: Shedrak, Mishak, gbe Abẹdinigo. Ahwo nana, o ovie, a dawoezọ ra ha; a be gọ edhọ ra ha hayo rehọ uzou kpotọ kẹ ẹdhọ oma oro nọ who ro vi hi.”—Daniẹl 3:8-12.