-
O Wuhrẹ No Ethobọ Riẹ ZeUwou-Eroro Na—2009 | Ọvo 1
-
-
Fikinọ Jona ọ riẹ inọ u wo oware ovo nọ ọ rẹ sai ru nọ u ti fi obọ họ họ, o te kpobọ otọ okọ na nyai kiẹzẹ. Owezẹ u te mu ei vrẹ.b Nọ ọnọ o wuzou okọ na ọ ruẹ Jona, ọ tẹ rọwo iẹe jẹ ta kẹe nọ ọ lẹ se ọghẹnẹ riẹ wọhọ ahwo nọ a kiọkọ. Fikinọ u mu rai ẹro inọ onana yọ ẹkporo igheghe he, ahwo okọ na a te mu ẹta họ ẹma re a ruẹse riẹ ohwo nọ ọ rrọ emu onana evaọ usu rai. Avro ọ riẹ hẹ sọ udu u je bru Jona nọ ẹta nọ a jẹ ma na o je dhesẹ ahwo na unọjọ utọjọ fihọ evowa. O raha oke he, uzẹme na o tẹ bẹ via. Jihova ọ jẹ kpọ ẹkporo na, je ru nọ ẹta na o ro mu Jona!—Jona 1:5-7.
-
-
O Wuhrẹ No Ethobọ Riẹ ZeUwou-Eroro Na—2009 | Ọvo 1
-
-
b Ikereakere Hibru na nọ a fa fihọ Griki nọ a re se Septuagint u dhesẹ nọ Jona ọ wezẹ di gaga keme o ta nọ o je viahoo. Dede na, ukpenọ ma rẹ nwane ta inọ owezẹ Jona na u dhesẹ nọ ọ daezọ oware nọ o jẹ via na ha, joma kareghẹhọ inọ owezẹ o rẹ gwọlọ su ohwo nọ oma o whọlọ fiki oware jọ nọ o be kẹe idhọvẹ. Wọhọ oriruo, nọ Jesu ọ jẹ rova evaọ ọgbọ Getsemane, Pita, Jemis, gbe Jọn a kie ruọ “owezẹ fiki uweli nọ a jọ.”—Luk 22:45.
-