• O Wuhrẹ No Ethobọ Riẹ Ze
    Rọ Aro Kele Ẹrọwọ Rai

    • 12. (a) Fikieme ma gbẹ rọ nwane fo Jona ha nnọ ọ nyai kiẹzẹ nọ ẹkporo na o je fi na? (Rri oruvẹ-obotọ na re.) (b) Oghẹrẹ vẹ Jihova ọ rọ fere ohwo nọ ọ wha ẹbẹbẹ na ze via?

      12 Nọ Jona ọ ruẹ nọ ọ sai fi obọ họ kẹ ahwo na ha, o te tube kpohọ obọ otọ okọ na nyai kiẹzẹ. Kẹsena owezẹ u te mu ei vrẹ.b Nọ ọnọ o wuzou okọ na ọ ruẹ Jona, ọ tẹ rọwo iẹe jẹ ta kẹe nọ ọ lẹ se ẹdhọ riẹ wọhọ epanọ ahwo nọ i kiọkọ a bi ru. Fikinọ u mu ahwo nọ a bi bi okọ na ẹro nọ ẹkporo ọnana yọ ọrọ igheghe he, a tẹ ma ẹta re a riẹ ohwo nọ ọ wha ẹbẹbẹ nana se ai. Ababọ avro, udu u je bru Jona gaga nọ a be ma ẹta na. U kri hi, ẹta na o te mu ei. Jihova o ru ẹta na mu ei re ahwo na a riẹ nọ fiki Jona o ro vi ẹkporo na ze.—Se Jona 1:5-7.

  • O Wuhrẹ No Ethobọ Riẹ Ze
    Rọ Aro Kele Ẹrọwọ Rai

    • b Ikereakere Hibru na nọ a fa fihọ ẹvẹrẹ Griki nọ a re se Septuagint u dhesẹ nọ Jona ọ wezẹ di gaga keme o ta nọ o je viaho. Dede na, ukpenọ ma rẹ nwane ta nọ owezẹ Jona na u dhesẹ nọ ọ daezọ oware nọ o jẹ via na ha, joma kareghẹhọ nọ owezẹ o rẹ gwọlọ su ohwo nọ ọ rrọ ọkora. Wọhọ oriruo, nọ Jesu ọ jẹ rova evaọ ọgbọ Getsemane, Pita, Jemis, gbe Jọn a kie ruọ “owezẹ fiki uweli nọ a jọ.”—Luk 22:45.