11. Eme họ uzedhe otofa Zefanaya 1:8-11 na?

¹¹ Kpahe ẹdẹ Jihova, Zefanaya 1:8-11 u fibae nọ: “Evaọ ẹdẹ idhe ỌNOWO na—‘Mẹ rẹ te rehọ uye kẹ enọ iwouzou gbe emọ ivie gbe enọ e gọ ẹgọ orẹwho ofa. Evaọ ẹdẹ ọyena mẹ rẹ te rehọ uye kẹ ohwo kpobi nọ ọ la ruọ unuwou, gbe [enọ] e rehọ ofruriọ gbe eviẹhọ vọ uwou olori rai.’ ‘Evaọ ẹdẹ ọyena,’ ỌNOWO na ọ tae, a re ti yo edo oviẹ no obọ Unuẹthẹ Eri Avọivẹ tha, gbe edo oviẹ nọ iyẹrẹ avọivẹ na ze gbe edo ologbo no ehru ikpehru ze. Wha viẹ, O whai enọ e rọ obọ Mọta ria! Keme ihreki kpobi e gbẹ rọ họ; enọ e rẹ wawe siliva a si rai no.”

13. Rọwo kugbe eruẹaruẹ Zefanaya, eme ọ te via evaọ okenọ ahwo Babilọn na a tẹ wọ ohọre kpohọ Jerusalẹm?

¹³ “Ẹdẹ” ọvunu-oguo Juda ọyena o kie kpahe ẹdẹ Jihova nọ o ti ro bruoziẹ kpe ewegrẹ riẹ, ro ku emuemu họ, je dhesẹ ogaga ukpehru riẹ. Nọ ahwo Babilọn a wọ ohọre kpohọ Jerusalẹm, ubo u te no Unuẹthẹ Iyei na ze. O wọhọ nọ a se rie ere fikinọ o kẹle eki imiyei. (Nehemaya 13:16) Ogbotu Babilọn a te ruọ abọ nọ a re se iyẹrẹ avivẹ na, yọ “edo ologbo no ehru ikpehru ze” o sai dhesẹ edo ahwo Kaldia nọ a kẹle obei no. Ahwo Mọta, ẹsejọhọ abọ Ukiekpotọ Tyropoeon, a ti “bo.” Fikieme a je ti bo? Keme ekiọthuọ, kugbe erọ “enọ e rẹ wawe siliva,” e te jọ obei serihọ.