14. Ẹvẹ Ọghẹnẹ ọ te nya thabọ te evaọ ẹkiẹvia enọ i se oma rai egegagọ riẹ?

¹⁴ Ẹvẹ Jihova ọ te nya thabọ te evaọ ẹkiẹvia enọ i se oma rai egegagọ riẹ? Eruẹaruẹ na e nyaharo ta nọ: “Evaọ oke oyena mẹ rẹ te rehọ ikpẹ kiẹ otọ Jerusalem, mẹ vẹ te rehọ uye kẹ ahwo nọ a rọ egba-idi-eda na, enọ e be jọ eva rai ta nọ, ‘ỌNOWO na o re ti ru uwoma, hayo uyoma gbe he.’ A re ti mi ai eyero rai, iwou rai e vẹ te jọ ifofe. A tẹ make bọ iwou dede, a rẹ te ria eva rai hi; a make kọ ọgbọ-evaene dede, a rẹ te da udi rai hi.”—Zefanaya 1:12, 13.

16. Eme ọ via evaọ okenọ ẹdhoguo Ọghẹnẹ o te Juda, kọ ẹvẹ eriariẹ eyena i re kpomahọ omai?

¹⁶ A vẹvẹ ikọ-erue Juda unu nọ ahwo Babilọn a te kwa efe rai, raha iwou rai, jẹ rehọ ibi egbọ rai. Ekwakwa efe i ti w’iruo ho evaọ okenọ ẹdhoguo Ọghẹnẹ o ti bru Juda ze. Epọvo na o te jọ evaọ okenọ ẹdẹ ẹdhoguo Jihova o te bru uyerakpọ ọnana ze. Fikiere, joma wo eriwo abọ-ẹzi re ma ‘koko efe họ obọ odhiwu’ ẹkwoma iruo Jihova nọ ma re fihọ oware ọsosuọ evaọ izuazọ mai!—Matiu 6:19-21, 33.