ONỌ AVỌ 6
Eme Ebaibol na ọ ruẹaro riẹ kpahe Mesaya na?
ERUẸARUẸ
“O whẹ Bẹtlẹhẹm Efrata, . . . eva ra ọnọ ọ te jọ osu kẹ omẹ evaọ Izrẹl o ti no ze.”
ORUGBA RIẸ
“Nọ a yẹ Jesu no evaọ Bẹtlẹhẹm ọrọ Judia evaọ edẹ Herọd ovie na, rri! enọ i re rri isi obehru rọ gbẹva a te no obọ Ovatha-Ọre ziọ Jerusalẹm.”
ERUẸARUẸ
“A ghale iwu mẹ fihọ omoma rai, a ma ẹta fiki ewu mẹ.”
ORUGBA RIẸ
“Whaọ nọ isoja na e tehe Jesu fihọ ure na no, a tẹ rehọ iwu ehru riẹ, a tẹ ghale ae kpohọ abane . . . Rekọ ewu obeva na o wo oria ọvo nọ a jo koi hi, a zuo rie no ehru duwu otọ. Fikiere, a tẹ ta kẹ ohwohwo nọ: ‘Ma bẹre iẹe he, rekọ wha joma ma ẹta re ma riẹ ohwo nọ ọ rẹ rehọ iẹe.’”
ERUẸARUẸ
“Ọ be sẹro igbenwa riẹ kpobi; a wiri ọvuọvo rai hi.”
ORUGBA RIẸ
“Nọ a nyate Jesu oma, a tẹ ruẹ nọ o whu no, a gbe wiri awọ riẹ hẹ.”
ERUẸARUẸ
“A duwu i rie fiki uzioraha mai.”
ORUGBA RIẸ
“Omọvo isoja na jọ ọ tẹ rehọ ozuẹ duwu abefẹ riẹ, azẹ gbe ame e tẹ nwani hwẹ ze.”
ERUẸARUẸ
“A tẹ hwa osa mẹ, ewẹ isiliva ọgba.”
ORUGBA RIẸ
“Kẹsena omọvo Ikpegbivẹ na, ọnọ a re se Judas Iskariọt, ọ tẹ nyabru ilori izerẹ na, ọ tẹ ta kẹ ae nọ: ‘Eme wha te kẹ omẹ re me vivie iei kẹ owhai?’ A tẹ rọwo nọ a rẹ kẹe ewẹ isiliva ọgba.”