• Amono A Se “Ezae Iwareghẹ Esa” Na? Kọ Ọghẹnẹ Ọ Rehọ “Esi” na Su Ai Kpobọ Bẹtlẹhẹm?
    Enọ nọ Ebaibol Ọ Kẹ Iyo Rai
    • Uwoho ezae iwareghẹ esa nọ e be kẹ Jesu okẹ

      Amono A Se “Ezae Iwareghẹ Esa” Na? Kọ Ọghẹnẹ Ọ Rehọ “Esi” na Su Ai Kpobọ Bẹtlẹhẹm?

      Uyo nọ Ebaibol na ọ kẹ

      Evaọ oke Kresimesi ahwo buobu a rẹ ta nọ “ezae iwareghẹ esa” hayo “ivie esa” ae a nyabru Jesu nyae ruẹ e riẹ evaọ okenọ a yẹi no. Rekọ Ebaibol na o dhesẹ ahwo nana ere he. (Matiu 2:1) Evaọ obe Usi Uwoma nọ Matiu o kere, ọ rọ ẹme Griki na ma’goi dhesẹ ahwo nọ a nyabru Jesu ze na. O wọhọ nọ ẹme Griki yena o dhesẹ ahwo nọ a rẹ rọ isi gbẹva, hayo ahwo nọ a re ru eware imizi efa.a A jọ efafa Ebaibol efa sa-sa se ai “enọ i re rri isi obehru rọ gbẹva” hayo “magi.”b

  • Amono A Se “Ezae Iwareghẹ Esa” Na? Kọ Ọghẹnẹ Ọ Rehọ “Esi” na Su Ai Kpobọ Bẹtlẹhẹm?
    Enọ nọ Ebaibol Ọ Kẹ Iyo Rai

    • Ahwo nana nọ a se “ezae iwareghẹ” na, ima bro a nyae ruẹ Jesu?

      Ebaibol ọ fodẹ unu rai hi. Duọ ohwo duọ ọvuọ oriẹ a be ta. Obe Encyclopedia Britannica o ta nọ, “ahwo nọ a be rria ofẹ Asia a ta nọ ezae ikpegbivẹ a nyae ruẹ Jesu, rekọ ahwo ofẹ Europe gbe unuakpọ America a ta nọ ezae esa. Ẹsejọhọ a ta ere fikinọ Ebaibol ọ ta nọ ekẹ esa ‘igoru gbe frankinsẹns gbe mọr’ (Matiu 2:11) a kẹ Jesu.”

      Kọ ezae nana yọ “ivie”?

      Dede nọ evaọ oke Kresimesi, ahwo buobu a rẹ ta nọ ezae nọ e nyabru Jesu na yọ ivie, a jọ oria ovo evaọ Ebaibol ta ere he. Obe Encyclopedia Britannica o ta nọ, nọ ikpe buobu e vrẹ no ẹsiẹe a ro fi oyena ba iku na “re e ruẹse were.”

      Kọ didi odẹ rai?

      Ebaibol na ọ fodẹ odẹ ahwo nana nọ i re rri isi obehru rọ gbẹva na ha. The International Standard Bible Encyclopedia o ta nọ iku esia gheghe a jọ se ai edẹ (wọhọ, Gaspar, Melchior, gbe Balthasar).