Ahwo nọ a rọwo nọ ebrẹdi gbe enwaene nọ a re ro ru ekareghẹhọ na i re zihe ruọ uwo gbe azẹ Jesu dẹẹ na a bi roro ere fiki eria jọ evaọ Ebaibol na orọnikọ oware nọ Ebaibol na o gine wuhrẹ hẹ. Wọhọ oriruo, enẹ a fa eme Jesu na evaọ efafa Ebaibol buobu: “Onana họ azẹ mẹ.” (Matiu 26:28) Rekọ a rẹ sae fa eme Jesu na enẹ: “Onana u dikihẹ kẹ azẹ mẹ,” hayo “Onana o rrọ rọkẹ azẹ mẹ.”f Wọhọ epanọ Jesu o re ru ẹsibuobu, ọtadhesẹ o je ro wuhrẹ ahwo hayo ta ẹme evaọ oria nana.​—Matiu 13:34, 35.