Ahwo nana nọ a se “ezae iwareghẹ” na, ima bro a nyae ruẹ Jesu?

Ebaibol ọ fodẹ unu rai hi. Duọ ohwo duọ ọvuọ oriẹ a be ta. Obe Encyclopedia Britannica o ta nọ, “ahwo nọ a be rria ofẹ Asia a ta nọ ezae ikpegbivẹ a nyae ruẹ Jesu, rekọ ahwo ofẹ Europe gbe unuakpọ America a ta nọ ezae esa. Ẹsejọhọ a ta ere fikinọ Ebaibol ọ ta nọ ekẹ esa ‘igoru gbe frankinsẹns gbe mọr’ (Matiu 2:11) a kẹ Jesu.”

Orọnikọ aso ẹdẹ nọ a ro yẹ Jesu na oye ezae nana a rọ nyabru Jesu hu. Ebaibol na ọ ta nọ: “Okenọ a ruọ eva uwou na, a tẹ ruẹ ọmọ na avọ Meri oni riẹ.” (Matiu 2:11) Onana u dhesẹ nọ okenọ ezae nọ i re rri isi rọ gbẹva na a nyae ruẹ uviuwou na yọ a be rria evaọ uwou, orọnikọ Jesu ọ gbẹ jọ ọmọboba nọ ọ rrọ oria emu erao ho.—Luk 2:16.