13. Didi ohrẹ Jesu ọ kẹ kpahe ekwakwa efe?

¹³ Jesu ọ ta kpahe ekwakwa efe inọ: “Wha kọ okọ akpọ na kẹ oma rai hi, oria nọ ehẹhẹ gbe ẹgbẹomuo e jẹ rahae gbe enọ iji erẹ tọ lafiẹ a tho, rekọ kọ okọ obọ odhiwu kẹ oma ra, oria nọ, ehẹhẹ gbe ẹgbẹomuo ọvuọvo e jẹ raha ae he jegbe nọ iji e rẹ tọ lafiẹ i tho ho. Keme oria nọ okọ ra o rọ, etẹe eva ra e rẹ jọ re.”—Mat. 6:19-21.

15. Eme u fo nọ ma rẹ rọ karo evaọ uzuazọ?

¹⁵ Isu egagọ jọ a ta inọ o thọ re a daoma le eware akpọ, inọ a re si oma no ilale itiena kpobi riẹriẹriẹ. Rekọ muẹrohọ inọ Jesu ọ ta ere he. Ukpoye, ọ ta inọ ilele riẹ a tẹrovi oghẹrẹ uzuazọ nọ o mai woma, koyehọ jọ a “kọ okọ obọ odhiwu” kẹ omarai. Oware nọ o rẹ mae jọ omai oja họ re ma yeri oghẹrẹ uzuazọ nọ o rẹ were Jihova. Ẹme Jesu na u dhesẹ nọ ohwo kpobi ọ rẹ salọ oware nọ ọ rẹ rọ karo evaọ uzuazọ. Uzẹme riẹ họ, eware nọ e mae rrọ omai oja ma rẹ rọ ẹgba mai kpobi le evaọ uzuazọ.

16. Didi imuẹro ma wo?

¹⁶ U te gine no omai eva ze inọ ma gwọlọ ru Jihova eva were, o rẹ sai mu omai ẹro nọ ọ te k’omai utho eware nọ ma gwọlọ. Ọ sae kuvẹ ẹsejọ re ohọo hayo uruame u kpe omai wọhọ epanọ o jọ kẹ Pọl ukọ na. (1 Kọr. 4:11) Ghele na, ma rẹ sai fievahọ ẹme nọ Jesu ọ ta, inọ: “Wha ruawa ha, nnọ, Didi oware ma rẹ ria? hayo oware nọ ma rẹ da? hayo eme ma rẹ rehọ gọ egọ? Keme eware enana kpobi ahwo Egedhọ na erẹ guọlọ; keme Ọsẹ obọ odhiwu rai ọ riẹ nọ eware enana kpobi i kiọkọ kẹ owhai. Rekọ wha kake guọlọ uvie riẹ gbe ẹrẹreokie riẹ, eware enana kpobi a reti fi ai họ kẹ owhai.”—Mat. 6:31-33.