• Kọ Erae Ehẹle Jesu Ọ Jẹ Tẹme Kpahe?
    Uwou-Eroro Na—2008 | Azeza 15

    • AHWO jọ nọ a rọwo uwuhrẹ erae ehẹle a rẹ suobọhọ ẹme Jesu nọ a kere fihọ Mak 9:48 (hayo owọ avọ 44, 46) na. Jesu ọ fodẹ edha (hayo ihori) nọ i re whuẹ hẹ gbe erae nọ i re fuẹ hẹ. Kọ ohwo jọ ọ tẹ nọ owhẹ kpahe otofa ẹme ọyena, eme whọ te ta kẹe?

      Fiki oghẹrẹ Ebaibol nọ ohwo na o kru, ọ te gwọlọ se owọ avọ 44, 46, hayo 48, keme eria enana e ta ọkpọ ẹme ọvona evaọ Ebaibol jọ.a Ebaibol ọ New World Translation ọ ta nọ: “Ẹro ra o te bi ru owhẹ zoruẹ, vru ei kufiẹ; o rẹ mai woma re whọ rọ ẹro ọvo ruọ Uvie Ọghẹnẹ viukpenọ a re gbolo owhẹ avọ ibiaro ivẹ fihọ Gehena, oria nọ ihoi riẹ i re whuẹ hẹ yọ erae riẹ i re fuẹ hẹ.”—Mak 9:47, 48.

  • Kọ Erae Ehẹle Jesu Ọ Jẹ Tẹme Kpahe?
    Uwou-Eroro Na—2008 | Azeza 15

    • a A rẹ jọ ikulu-ebe erọ Ebaibol nọ i kri no nọ ahwo a mai fi eva họ ruẹ owọ avọ 44 gbe 46 na ha. Ahwo nọ a jọ isukulu ikpehru wuhrẹ Ebaibol na a ta nọ owọ avọ 44 gbe 46 na yọ enọ a fibae uwhremu na. Profẹsọ Archibald T. Robertson o kere nọ: “A rẹ jọ ikulu-ebe erọ Ebaibol nọ e mai kri jẹ mai woma ruẹ awọ ivẹ nana ha. A rehọ e rai no enọ ahwo Siria (Byzantine) gbe enọ ahwo obọ ukiediwo-ọre a kere ze. Ẹme ọvo nọ ọ rrọ owọ avọ 48 na a kere fihọ awọ ivẹ nana. Oyejabọ ma rọ la awọ ivẹ nana nọ i muẹro ho na vrẹ.”