• Jihova O Bi Rri Egagọ Ẹwẹ Ra Kpobi Ghaghae
    Uwou-Eroro Na—1997 | Akpegbọvo 1

    • 16. (a) Ẹvẹ Jesu o ro muẹrohọ okẹ aye-uku oyogbere jọ? (b) Ẹvẹ anini aye-uku na e ghare te?

      16 Umutho edẹ jọ evaọ obaro, evaọ Nisan 11, Jesu ọ jọ etẹmpol na raha oke krẹkri, oria nọ a jọ n’enọ kpahe udu ogaga riẹ ọ tẹ jẹ vabọhọ eyo enọ ebẹbẹ kpahe esa-uzou, ẹkparomatha, gbe eme efa. Ọ whọku ikere-ebe gbe otu Farisi na keme, u te no eware efa no, a be “re uvuhu họ iwou eyae-uku.” (Mak 12:40) Jesu ọ tẹ keria Afe Eyae na, oria nọ, wọhọ epanọ uruemu ahwo Ju o rọ, itehe okẹ 13 e rọ. Ọ keria omoke kakao, bi rri nọ ahwo na a be kokẹ unevaze rai na. Edafe buobu e nyaze, ẹsejọhọ ejọ avọ oma oruoro, kugbe ikpẹgọ dede. (Wawo Matiu 6:2.) Jesu ọ tẹ tẹrovi aye jọ. Ohwo gheghe ọ rẹ jọ oma aye na hayo okẹ riẹ ruẹ okpoware ovo ho. Rekọ Jesu, ọnọ ọ rẹ sae riẹ idu amọfa na, ọ riẹ ohwo nọ “aye-uku oyogbere” ọnana ọ rọ. Ọ tẹ jẹ riẹ unuigho okẹ riẹ—“ipini ivẹ.”b—Mak 12:41, 42.

  • Jihova O Bi Rri Egagọ Ẹwẹ Ra Kpobi Ghaghae
    Uwou-Eroro Na—1997 | Akpegbọvo 1

    • b Ibigho enana ọvuọvo e jọ lepton, ubigho ahwo Ju nọ o mae kawo kpobi evaọ oke oyena. Lepta ọvo o jọ 1/64 ọrọ osa okpẹdẹ. Wọhọ epanọ Matiu 10:29 o ta, rọ kẹ ubigho assarion (ọnọ ọ rọ ẹrẹrẹ wọhọ lepta eree), ohwo ọ rẹ sae dẹ erata ivẹ, nọ e rọ evra nọ e mai ku kpobi nọ iyogbere e rẹ sae dẹ re. Fikiere aye-uku ọnana o ghine yogbe, keme abọvo unuigho nọ a rẹ sae rọ dẹ arata ọvuọvo o wo, onọ o rẹ sai te emuore ẹsiọvo ho.