• “Ọ Maki Whu no Dede na, Yọ Ọ Gbẹ rọ Ẹme Ẹta”
    Rọ Aro Kele Ẹrọwọ Rai

    • 5. Eme Jesu o wo họ iroro evaọ okenọ ọ ta nọ Ebẹle ọ rria no “otọhọ otọ akpọ ze”? (Rri oruvẹ-obotọ na re.)

      5 Nọ a ma Adamu avọ Ivi no, o nwani kri ga hrọ họ re a te ti yẹ Ebẹle. Jesu ọ ta nọ Ebẹle ọ rria no “otọhọ otọ akpọ ze.” (Se Luk 11:50, 51.) Orọnikọ otọakpọ na dẹẹ Jesu ọ be ta kpahe he, rekọ ahwo akpọ nọ e te sai wo erọvrẹ izieraha rai. Dede nọ Ebẹle họ ohwo avene evaọ otọakpọ na, o wọhọ nọ ọye họ ohwo ọsosuọ nọ Ọghẹnẹ ọ te rọ izieraha riẹ vrẹ.a Ahwo nọ a jọ akpọ evaọ oke yena a wo emamọ uruemu nọ Ebẹle ọ rẹ rehọ aro kele he.

  • “Ọ Maki Whu no Dede na, Yọ Ọ Gbẹ rọ Ẹme Ẹta”
    Rọ Aro Kele Ẹrọwọ Rai

    • a Ẹme na “otọhọ otọ akpọ” na u dhesẹ epanọ a rẹ kọ ibi hayo epanọ omama o re yẹ. Fikiere Jesu ọ be ta kpahe ahwo nọ a kaki yẹ fihọ akpọ na. Kọ fikieme Jesu ọ rọ ta nọ Ebẹle ọ rria no “otọhọ otọ akpọ ze,” ukpenọ ọ ta ere kpahe Keni, ohwo ọsosuọ nọ a yẹ evaọ akpọ na? Oghẹrẹ iroro nọ Keni ọ jẹ gbe eware nọ o ru i dhesẹ nọ o keke aro fihọ wọso Jihova. Wọhọ Adamu avọ Ivi, a te rọ izieraha Keni vrẹ riẹ hẹ, yọ a te kpare iẹe ze gbe he.