Ọ tẹ ta kẹe nọ: “Ekana ewhri olivi udhusoi,” koyehọ ilita idu ivẹ gbe egba ivẹ (2,200). Ẹsejọhọ ohwo nana ọhreki ologbo hayo o wo ọgbọ olivi nọ ọ rrọ ruaro. Orieyero na ọ tẹ ta kẹe nọ: “Mi omẹ obe agrimeti ra whọ keria re who kere udhuvẹ gbe ikpe [koyehọ ilita odu ọvo gbe ẹgba ọvo] fihọ iẹe vẹrẹ vẹrẹ.”—Luk 16:6.

Orieyero na ọ gbẹ be rẹrote eware olori riẹ, fikiere ma sae ta nọ o gbe wo udu nọ o re ro sino osa nọ ahwo na a re olori riẹ na. O sino osa nọ ahwo na a re na re ọ rọ ere mu ogbẹnyusu kugbe ahwo nọ a rẹ sai fiobọhọ kẹe nọ a te si ei no iruo.