Nọ ẹyao rai o kpo no, ezae izii evaọ usu rai a tẹ ruabọhọ obonọ a be nya. Rekọ ọvo jọ o ru ere he. Ọzae nana nọ ọ rrọ ohwo Sameria nọ ẹyao oti riẹ o kpo no na, o te kuomarẹriẹ nyae gwọlọ Jesu. Fikieme? Oware nọ Jesu o ru kẹe na o da riẹ ẹro fia. Ọzae nana ọ tẹ be “rọ urru oruarua jiri Ọghẹnẹ,” keme ọ riẹ nọ ogaga Ọghẹnẹ a ro siwi ei na. (Luk 17:15) Nọ ọ ruẹ Jesu, o te kigwẹ fihọ aro riẹ bi yere iei.

Emoti ikpe nọ Jesu o siwi na u dhesẹ nọ Jihova Ọghẹnẹ ọ rrọ kugbei. Whaọ obọnana, Jesu o siwi ọmoti nana no yọ u mu omai ẹro nọ o ti wo uzuazọ ebẹdẹ bẹdẹ. Ọghẹnẹ ọ gbẹ be rọ Jesu siwi ahwo nọ a be mọ evaọ edhere igbunu nẹnẹ hẹ. Rekọ, ma te fi ẹrọwọ họ Jesu, ma ti wo uzuazọ ebẹdẹ bẹdẹ re. Kọ ma be hai dhesẹ edẹro wọhọ epanọ ọzae Sameria na o ru na?