17. (a) Didi ovuẹ okpakpata u te Jesu obọ nọ ọ jẹ ta usiuwoma evaọ Pẹria? (b) Eme o dhesẹ nọ Jesu ọ riẹ ẹjiroro owọ nọ ọ rẹ jẹ gbe oke nọ a fihọ kẹ eware?

¹⁷ Ovuẹ okpakpata na u n’obọ Mata avọ Meri ze, inievo Lazarọs, nọ e be rria evaọ Bẹtani ọrọ Judia. Ọwhovuẹ na ọ ta nọ: “Olori, ri, ọ nọ who you ọ be mọ.” Jesu ọ tẹ kuyo nọ: “Ẹyao ọnana ọrọ ọ rọ uwhu hu, rekọ fiki oruaro Ọghẹnẹ, re ọmọ Ọghẹnẹ ọ ja riẹ wo oruaro.” Re o ru ẹjiroro nana gba, Jesu o te keke aro fihọ daji oria nọ ọ jọ na edẹ ivẹ. Kẹsena ọ tẹ ta kẹ ilele riẹ nọ: “Ma je kpo obọ Judia.” Avọ igbunu, a tẹ kuyo nọ: “Rabae, ahwo Ju a jẹ guọlọ rehọ itho fi owhẹ ivobọna, whọ ve je kpo obei?” Rekọ Jesu o vuhumu nọ “uvo” nọ u kiọkọ na, hayo oke nọ Ọghẹnẹ o ve fihọ kẹ odibọgba otọakpọ riẹ, u tulo ho. Ọ riẹ uzedhe oware nọ o re ru gbe oware nọ o je ru ere.—Jọn 11:1-10.

21. Eme oware igbunu ẹkparomatha Lazarọs na u su kpohọ?

²¹ Fikiere ẹkwoma oke nọ ọ raha taure ọ tẹ te ziọ Bẹtani, Jesu ọ tẹ sai ru oware igbunu nọ ohwo ọvo ọ rẹ vro ho. Avọ ogaga nọ Ọghẹnẹ ọ kẹ riẹ, Jesu ọ kpare ohwo nọ o whu te edẹ ene no. O tubẹ gba Sanhẹdrin ologbo na họ dede re a muẹrohọ oware na a te je bruoziẹ uwhu kpe Oruiruo Eware Igbunu na! Fikiere oware igbunu na u te zihe ruọ oria nọ ẹkẹ o jo kurẹriẹ evaọ odibọgba Jesu—enwene no oke nọ “oke riẹ u rite he” kpohọ okenọ ‘oke na u ro te no.’