-
Ilele na A tẹ “Vọ avọ Oghọghọ gbe Ẹzi Ọfuafo”‘Se Isẹri Ziezi Kpahe Uvie Ọghẹnẹ’
-
-
7 Usi uwoma Uvie na o were Ba-Jesu vievie he. Ọ gwọlọ nọ Sẹjiọs Pọlọs o re yo usi uwoma na o ve kurẹriẹ hẹ. Ọ riẹ nọ o te kurẹriẹ, ọ te gbẹ nyabru ọyomariẹ ze he nọ ọ tẹ gwọlọ jiroro jọ. Fikiere Ba-Jesu ọ tẹ “jẹ daoma whaha ọba ubrotọ na re ọ siọ ẹrọwọ ba efihọ Olori na.” (Iruẹru 13:8) Kọ Sọl ọ rọ abọ muoma je rri rie? Ijo. Ebaibol ọ vuẹ omai nọ: “Sọl, ọnọ a re je se Pọl, avọ ẹzi ọfuafo nọ ọ vọ riẹ oma o te rri rie kiọkiọkiọ ọ tẹ ta nọ: ‘O ọzae nọ oghẹrẹ iwhayo kpobi gbe oghẹrẹ umuomu kpobi o da oma fia, whẹ ọmọ Ẹdhọ, whẹ ọwegrẹ oware kpobi nọ u kiẹrẹe, kọ whọ gbẹ siọ idhere egbagba Jihova ba ẹraha? Rri! Obọ Jihova u mu owhẹ no, who ti tuaro, whọ te ruẹ elo ọre na ha evaọ omoke jọ.’ Ẹsiẹvo na ẹgho avọ ebi ọlala i te ruru iei, ọ tẹ be nya wariẹ be gwọlọ ohwo nọ o re kru rie obọ re o su ei.”g Kọ eme Sẹjiọs Pọlọs o ru nọ ọ ruẹ oware nọ o via na? Ebaibol ọ ta nọ: “Nọ ọba ubrotọ na ọ ruẹ oware nọ o via na, o te zihe ruọ olele Jesu, keme ewuhrẹ Jihova o gbe rie unu.”—Iruẹru 13:9-12.
-
-
Ilele na A tẹ “Vọ avọ Oghọghọ gbe Ẹzi Ọfuafo”‘Se Isẹri Ziezi Kpahe Uvie Ọghẹnẹ’
-
-
g Umuo oke nana vrẹ, a te je se Sọl inọ Pọl. Ahwo jọ a ta nọ Sọl ọ ta nọ a sei Pọl re ọ sai ru eva were Sẹjiọs Pọlọs ọba ahwo Rom na, keme Pọl yọ odẹ ahwo Rom. Rekọ u mu omai ẹro ho, keme nọ ọ maki no Saiprọs kpohọ oria ofa no, Pọl a gbe je sei ghele. Fikiere o wọhọ nọ ọ ta nọ a sei Pọl keme ọyomariẹ yọ “ukọ rọkẹ erẹwho na.” Oware ofa nọ o sae jọ nọ o wha riẹ ze ona. Sọl yọ odẹ Hibru, rekọ oghẹrẹ nọ ahwo Griki a re se odẹ na o tho ẹme Griki jọ nọ otofa riẹ u woma ha. Yọ Griki họ ẹvẹrẹ nọ ahwo nọ ọ be nyae ta usi uwoma kẹ na a rẹ mae ta.—Rom 11:13.
-