Ahwo na “A Ghọghọ Gaga” (Iruẹru 20:5-12)

12, 13. (a) Ẹvẹ o jọ kẹ inievo ukoko na nọ Pọl ọ kpare Yutikọs no uwhu ze? (b) Ẹruore vẹ ọ rrọ Ebaibol na nọ ọ rẹ sae lẹliẹ oma sasa ahwo nọ ahwo rai a whu?

¹² Pọl avọ ahwo nọ a gbẹ jọ usu na kpobi a gbẹ nya orọ Masidonia vrẹ, rekọ o wọhọ nọ a hẹrioma evaọ omoke jọ. O sae jọ nọ a wariẹ kuomagbe evaọ Troas.d Ebaibol na ọ ta nọ: “Evaọ oware wọhọ edẹ isoi ma te te ae oma evaọ Troas.”e (Iruẹru 20:6) Oria nana a jọ kpare Yutikọs no uwhu ze, ọnọ ma ta ẹme kpahe evaọ emuhọ uzou nana. Dai roro epanọ o jọ kẹ inievo na nọ a ruẹ Yutikọs nọ a kpare zihe ziọ uzuazọ no! Ebaibol na ọ ta nọ ahwo na “a ghọghọ gaga.”—Iruẹru 20:12.