• “Kru Udu Ga!”
    ‘Se Isẹri Ziezi Kpahe Uvie Ọghẹnẹ’

    • 10. Eware iyoma vẹ a gu fihọ Pọl uzou?

      10 Nọ a wha Pọl te obọ Sisaria no, a tẹ ta nọ “isoja a rou rie evaọ ighẹ Herọd ovie na,” bẹsenọ ahwo nọ a je gu eware fihọ iẹe uzou na a re no obọ Jerusalẹm ze. (Iruẹru 23:35) Edẹ isoi nọ i lele i rie, ezae na e tẹ nyaze. Ahwo nọ a nyaze họ, Ananayas ozerẹ okpehru na, Tẹtulọs nọ ọ jọ ọtota, gbe ekpako na jọ. Tẹtulọs o te mu Fẹliks họ ejiri rọkẹ eware nọ o bi ru kẹ ahwo Ju. O rrọ vevẹ nọ o je ru ere re ọ sae rọ emamọ ubiẹro rri rie.b Kẹsena nọ Tẹtulọs o mu ẹdhọ nọ ọ rrọ otọ na họ ẹta kpahe, ọ tẹ ta nọ Pọl yọ “amara-ọraha, nọ ọ be bẹbẹ ahwo Ju kpobi họ evaọ otọakpọ na soso re a kpareso egọmeti, ọ tẹ jẹ rrọ ọnọ ọ be kobaro kẹ utu ahwo Nazarẹt na. Yọ ọ jẹ gwọlọ zue etẹmpol na re, fikiere ma te mu ei.” Ahwo Ju nọ a kiọkọ “a te ku unu rai gbei be ta nọ eware nana ginọ uzẹme.” (Iruẹru 24:5, 6, 9) Eware nọ a gu fihọ Pọl uzou na yọ eware nọ a sae rọ fiki rai bruoziẹ uwhu kpe ohwo. A ta nọ ọ be bẹbẹ ahwo họ kpareso egọmeti, ọ be kobaro kẹ utu uyoma jọ, yọ o zue etẹmpol na.

  • “Kru Udu Ga!”
    ‘Se Isẹri Ziezi Kpahe Uvie Ọghẹnẹ’

    • b Tẹtulọs o yere Fẹliks inọ ọ wha “udhedhẹ ulogbo” ziọ orẹwho na. Rekọ uzẹme na họ, evaọ okenọ Fẹliks ọ rọ jọ ọba ozighi ọ mae rọ jọ orẹwho na vi okenọ ọba ọfa jọ kpobi o ro su, bẹsenọ a rọ kpareso Rom. U te no ere no, Tẹtulọs ọ ta kẹ Fẹliks nọ ahwo Ju na kpobi a bi “yere owhẹ ziezi” fiki emamọ eware nọ who bi ru. Rekọ uzẹme na họ, ahwo Ju na a mukpahe iẹe fikinọ osu nọ o je kienyẹ ahwo ọ jọ, gbe fiki oghẹrẹ nọ ọ rọ rehọ eva egaga whaha ahwo na okenọ a jẹ kpareso Rom.—Iruẹru 24:2, 3.