-
Ikpe Udhusoi Evaọ Otọ Esuo Uvie Na!Uwou-Eroro Na—2015 | Akpegbọvo 15
-
-
2. Ẹsejọhọ bro ahwo a jariẹ okenọ Jesu o juzi nọ o rrọ Matiu 28:19, 20 na, kọ ẹvẹ ma sae rọ ta ere?
2 Nọ Jesu ọ nwane kparoma no uwhu ze no, ọ tẹ romavia kẹ ahwo egba isoi (500) nọ ọ ruẹ nọ a te sai ru iruo usiuwoma ota na. (1 Kọr. 15:6) O sae jọnọ oke nana Jesu o ro juzi inọ a wha ovuẹ Uvie na se “ahwo erẹwho kpobi” na, onana o jọ okpiruo oke yena.a Jesu ọ ta nọ a ti ru iruo ilogbo nana rri te “oke urere uyero-akpọ na,” yọ ere o be ginẹ via nẹnẹ. Who te bi wobọ evaọ usiuwoma ota, kiyọ who bi fiobọhọ ru ujaje gbe eruẹaruẹ yena gba.—Mat. 28:19, 20.
-
-
Ikpe Udhusoi Evaọ Otọ Esuo Uvie Na!Uwou-Eroro Na—2015 | Akpegbọvo 15
-
-
a U wo ẹjiroro nọ ma sae rọ rọwo nọ ahwo jọ buobu nọ a jariẹ ẹdẹ yena a zihe ruọ Ileleikristi. Pọl ọ ta ẹme fodẹ ahwo nọ a jariẹ ẹdẹ yena inọ “inievo nọ i bu vi egba isoi (500)” okenọ o je kere ileta se Ileleikristi obọ Kọrint. Kẹsena o te fibae nọ: “Ibuobu rai a gbẹ rrọ kugbe omai, rekọ ejọ rai a whu no.” Fikiere o sae jọnọ Pọl gbe Ileleikristi ikpe-udhusoi ọsosuọ efa a riẹ ibuobu ahwo jọ nọ a jariẹ evaọ okenọ Jesu o juzi na.
-