• Eme O ti Fiobọhọ Kẹ Owhẹ Gbe Wuhrẹ Ebaibol Na?
    Reawere Uzuazọ Bẹdẹ Bẹdẹ!—Uwuhrẹ Ebaibol nọ O te Kẹ Owhẹ Erere

    • 4. Se uwuhrẹ Ebaibol ra gboja

      Ẹsejọ eware e rẹ sae vọ omai abọ te epanọ o rẹ rọ wọhọ nọ ma wo oke nọ ma re ro wuhrẹ Ebaibol na ha. Eme ọ rẹ sai fiobọhọ? Se Ahwo Filipai 1:10, kẹsena wha vẹ ta ẹme kpahe enọ nana:

      • Eware jọ vẹ who roro nọ eye họ “eware nọ e mae roja” evaọ uzuazọ?

      • Eme whọ rẹ sai ru re who se uwuhrẹ Ebaibol ra gboja?

      A. Iwoho: Iwoho nọ a jọ fi itho avọ ẹkpẹ họ ubokiti jọ. 1. Ẹkpẹ avọ itho ilogbo nọ a fihọ oria ovona. 2. Ubokiti nọ a whẹ ẹkpẹ fihọ te enwenọ udevie. 3. Itho ilogbo na jọ e rrọ ehru ẹkpẹ na evaọ ubokiti na, rekọ ejọ e gba riẹ hẹ. B. Iwoho: 1. Ẹkpẹ ọvona avọ itho evona. 2. Ubokiti ọvona nọ itho e joma vọ te enu. 3. Ẹkpẹ na ọ ruọ udevie itho nọ e rrọ ubokiti na ziezi jẹ vọ te enu. Umutho ẹkpẹ nọ ọ ruọ ubokiti na ha.

      1. Whọ tẹ whẹ ẹkpẹ fihọ ubokiti, whọ jẹ be daoma fi itho họ eva riẹ, itho na e rẹ gbae he

      2. Rekọ whọ tẹ kaki fi itho na họ iẹe, who je ku ẹkpẹ na fihọ iẹe, ẹkpẹ na buobu ọ rẹ ruẹe eva. Epọvo na re, whọ tẹ rọ “eware nọ e mae roja” karo evaọ uzuazọ ra, whọ te sai ru ai je tube ru eware efa jọ kugbe dede

      Ebaibol na nọ ma re wuhrẹ, u re ru omai riẹ Ọghẹnẹ jẹ gọe ziezi. Se Matiu 5:3, kẹsena wha vẹ ta ẹme kpahe onọ nana:

      • Irere vẹ ma re wo nọ ma te se Ebaibol nọ ma re wuhrẹ gboja?