Ẹvẹ Ebaibol na Ọ Sai ro Fiobọhọ Kẹ Owhẹ?

Enwenọ ohwo kpobi ọ gwọlọ riẹ kpahe oghẹrẹ nọ uzuazọ o rrọ, oware nọ ahwo a be rọ ruẹ uye, bi whu, gbe epanọ akpọ na ọ te jọ evaọ obaro. Ma rẹ jẹ ruawa kpahe eware nọ ma bi ru kẹdẹ kẹdẹ, eware wọhọ, oghẹrẹ nọ ma rẹ rọ re eva vọ hayo epanọ ma sai ro wo evawere evaọ uviuwou mai. Ahwo buobu a be ruẹ nọ Ebaibol na o bi fiobọhọ kẹ ae ruẹ iyo enọ nọ i wuzou evaọ uzuazọ, gbe ehrẹ nọ i bi fiobọhọ kẹ ai yeri emamọ uzuazọ. Kọ whọ riẹ ohwo jọ nọ Ebaibol na ọ rẹ sai fiobọhọ kẹ?

1. Enọ jọ vẹ Ebaibol na ọ kẹ uyo rai?

Ebaibol na ọ kẹ uyo enọ nana nọ i wuzou na. Enọ wọhọ: Ẹvẹ uzuazọ u ro muhọ? Fikieme ma rọ rrọ uzuazọ? Fikieme emamọ ahwo a be rọ ruẹ uye? Eme ọ rẹ via nọ ohwo o te whu? Otẹrọnọ ohwo kpobi ọ gwọlọ udhedhẹ, kọ fikieme a bi ro fi ẹmo evaọ eria buobu? Eme ọ te via kẹ otọakpọ na evaọ obaro? Ebaibol na ọ tuduhọ omai awọ nọ ma daoma re ma gwọlọ iyo enọ itieye na, yọ ima ahwo buobu a jọ Ebaibol na ruẹ iyo enọ nana nọ i te rai udu no.

2. Ẹvẹ Ebaibol na ọ sai ro fiobọhọ kẹ omai wo evawere kẹdẹ kẹdẹ?

Ebaibol na ọ kẹ omai emamọ ehrẹ. Wọhọ oriruo, o ta kpahe epanọ iviuwou a re ro wo uvi evawere. Ọ vuẹ omai oware nọ ma rẹ sai ru nọ idhọvẹ e tẹ rrọ omai oma, gbe epanọ ma sai ro wo evawere evaọ iruo hayo okọ mai. Who ti wuhrẹ oware nọ Ebaibol na ọ ta kpahe eware nana gbe efa buobu nọ ma ti wuhrẹ obe nana kugbe na. Whọ te ruẹ vuhumu nọ “Ikereakere na kpobi, [oware kpobi nọ o rrọ Ebaibol na] . . . e rẹ kẹ erere.”​—2 Timoti 3:16.

GBE WUHRẸ EWARE EFA

Wuhrẹ kpahe epanọ Ebaibol na o ro fiobọhọ kẹ ahwo no, epanọ whọ sai ro se Ebaibol na o vẹ were owhẹ oma, gbe oware nọ u ro woma re a fiobọhọ kẹ owhẹ wo otoriẹ riẹ.

3. Ebaibol na ọ sae kpọ omai

Ebaibol na ọ wọhọ elo etọche. Ma te se Ebaibol na ọ sai fiobọhọ kẹ omai jẹ emamọ iroro jẹ sae riẹ eware nọ e te via evaọ obaro.

Se Olezi 119:105, kẹsena wha vẹ ta ẹme kpahe enọ nana:

• Oghẹrẹ vẹ ohwo nọ o kere olezi nana o rri Ebaibol na?

• Kọ ẹvẹ whẹ omara o rri Ebaibol na?

4. Ebaibol na ọ sae kẹ iyo enọ nọ ma wo

IVIDIO: Ẹruore Ọ Bẹ Owhẹ Hẹ! (1:48)

5. Ebaibol na ọ rẹ sae were owhẹ oma ese

IVIDIO: Isase Ebaibol (2:05)

• Evaọ ividio na, ẹvẹ izoge na a rri obe use?

• Kọ fikieme Ebaibol na nọ a re se o be rọ were ae?

Ebaibol na ọ ta nọ ọ rẹ sai wuhrẹ omai re ma wo omosasọ gbe ẹruore. Se Ahwo Rom 15:4, kẹsena wha vẹ ta ẹme kpahe onọ nana:

• Kọ o were owhẹ re who wo omosasọ gbe ẹruore nọ Ebaibol na ọ ta kpahe na?

6. Amọfa a rẹ sai fiobọhọ kẹ omai wo otoriẹ Ebaibol na

U te no ese nọ ma re se Ebaibol na kẹ omobọ mai no, ahwo buobu a ruẹ nọ u re fiobọhọ kẹ ae nọ a tẹ be ta ẹme kpahe Ebaibol na kugbe amọfa. Se Iruẹru Ikọ 8:26-31, kẹsena wha vẹ ta ẹme kpahe onọ nana:

• Ẹvẹ ma sai ro wo otoriẹ Ebaibol na?​—Rri owọ avọ 30 gbe 31.

EME WHO WUHRẸ NO?

Ebaibol na o wo ehrẹ nọ ma sai ro yeri uzuazọ kẹdẹ kẹdẹ, o kẹ uyo enọ nọ i wuzou, yọ o rẹ kẹ omai omosasọ gbe ẹruore.

Ọkiẹkpemu

• Oghẹrẹ ehrẹ vẹ ma rẹ sae ruẹ evaọ Ebaibol na?

• Enọ jọ vẹ Ebaibol na ọ kẹ uyo rai?

• Eme whọ gwọlọ wuhrẹ evaọ Ebaibol na?

KIẸ KPAHE EFA

Wuhrẹ kpahe epanọ ehrẹ Ebaibol na e sai ro fiobọhọ kẹ omai nẹnẹ.

“Ehrẹ Ebaibol Na​—I re Kie Kpo Ho” (Uwou-Eroro Na Ọrọ 1 2018)

Rri epanọ Ebaibol na o ro fiobọhọ kẹ ọzae jọ nọ o wo iroro-me-fioka ha no anwọ emaha riẹ ze.

Epanọ Me ro Mu Evawere Họ Ewo Evaọ Uzuazọ (2:53)

Wuhrẹ eware nọ Ebaibol na ọ ta nọ e rẹ lẹliẹ evawere jọ uviuwou.

“Eware 12 nọ I re Ru Evawere jọ Uviuwou” (Awake! Ọrọ avọ 2 2018)

Ahwo buobu a riẹ ohwo nọ o bi su akpọ na ha, rekọ who ti wuhrẹ oware nọ Ebaibol na ọ ta kpahe onana.

Fikieme Who re ro Wuhrẹ Ebaibol Na?​—Othethei (3:14)

1. Nọ orọnọ ahwo a kere Ebaibol na, ẹvẹ ma rọ ta nọ Ọghẹnẹ o wo eme riẹ?

Ahwo udhuvẹ a kere Ebaibol na, yọ o rehọ oware wọhọ ikpe odu ọvo gbe egba ezeza (1,600), no umuo 1513 B.C.E. rite oware wọhọ 98 C.E. Oghẹrẹ ahwo sa-sa a kere Ebaibol na. Ghele na, Ebaibol na soso ọ rọwokugbe. Ẹvẹ onana o sae rọ rrọ ere? O rrọ ere keme Ọghẹnẹ họ Ọnọ o wo eme nọ e rrọ Ebaibol na. (Se 1 Ahwo Tẹsalonika 2:13.) Orọnikọ oware nọ o rrọ ahwo na iroro oye a kere fihotọ họ. Ukpoye, “a ta eme nọ i no obọ Ọghẹnẹ ze wọhọ epanọ ẹzi ọfuafoa na ọ kpọ rai.” (2 Pita 1:21) Ọghẹnẹ ọ rọ ẹzi ọfuafo riẹ vuẹ ahwo na oware nọ a re kere.​—2 Timoti 3:16.

4. Ebaibol na ọ fodẹ Ohwo nọ o wo eme nọ e rrọ eva riẹ

Kporo IVIDIO na. Kẹsena wha ve se 2 Timoti 3:16, jẹ ta ẹme kpahe enọ nọ e rrọ obotọ na.

IVIDIO: Ono O Wo Eme Ebaibol Na?​—Amabọ Jọ Riẹ (2:48)

• Nọ orọnọ ahwo a kere Ebaibol na, ẹvẹ a bi ro sei Ẹme Ọghẹnẹ?

• Kọ who roro nọ u kiehọ re ma rọwo nọ Ọghẹnẹ ọ sae vuẹ ahwo-akpọ iroro riẹ re a kere ai fihotọ?