-
Wo Ovuhumu Kẹ Obọdẹ Ọkwa Jesu Evaọ Erugba Ẹjiroro ỌghẹnẹUwou-Eroro Na—2008 | Akpegbivẹ 15
-
-
‘Ozerẹ Okpehru Na’
15. Ẹvẹ ọkwa Jesu wọhọ Ozerẹ Okpehru u ro wo ohẹriẹ no orọ ezae efa kpobi nọ e jọ izerẹ ikpehru?
15 Ezae buobu e jọ izerẹ ikpehru evaọ okenọ u kpemu, rekọ ọkwa Jesu wọhọ Ozerẹ Okpehru u gine wo ohẹriẹ. Evaọ oghẹrẹ vẹ? Pọl ọ ta nọ: “Ọ guọlọ idheidhe kẹdẹ kẹdẹ wọhọ izerẹ iride edekọ họ, e nọ e rẹ gọ iwẹ kẹdẹ kẹdẹ, o rọ ọsosuọ rọ kẹ uzioraha oma obọ rai tao, kẹsiẹ u tete o rọ ahwo, o ru onana ẹsiẹvo ọvo okenọ ọ rehọ oma obọ riẹ kẹ. Uwo ẹvẹ hẹ, keme uzi o rẹ ha ahwo muẹ eva okuako rai wọhọ izerẹ iride, rekọ ẹme ehao ebọwọ nọ e ze [uwhremu na], o ye o ha Ọmọ romu ọ nọ a ru gbunu rite bẹdẹ bẹdẹ.”—Hib. 7:27, 28.b
16. Fikieme idheidhe Jesu u ro gine wo ohẹriẹ?
16 Jesu ọ jọ ohwo ọgbagba, nwane wọhọ epanọ Adamu ọ jọ taure ọ tẹ te raha uzi. (1 Kọr. 15:45) Fikiere Jesu ọvo họ ohwo nọ ọ rẹ sai dheidhe ọgbagba—oghẹrẹ idheidhe nọ a re dhe ẹwẹwariẹ hẹ. Evaọ oke emọ Izrẹl, kẹdẹ kẹdẹ a jẹ hai dheidhe. Evaọ oke yena, oghẹrẹ idhe itieye na kpobi gbe iruo izerẹ na e jọ ẹwoho oware nọ Jesu o ti ru. (Hib. 8:5; 10:1) Fiki epanọ idheidhe Jesu u w’iruo te gbe nnọ o dheidhe na ẹsiẹvo ọvo, ọkwa riẹ wọhọ Ozerẹ Okpehru u wo ohẹriẹ.
-
-
Wo Ovuhumu Kẹ Obọdẹ Ọkwa Jesu Evaọ Erugba Ẹjiroro ỌghẹnẹUwou-Eroro Na—2008 | Akpegbivẹ 15
-
-
b Wọhọ epanọ ọgba eriariẹ Ebaibol jọ ọ ta, ẹme nọ a fa “ẹsiẹvo ọvo” na o jọ oria Ebaibol nana wuzou gaga, yọ “u dhesẹ epanọ uwhu Kristi u ro wo ohẹriẹ.”
-