OKENỌ ẸDẸ OZIẸOBRO NA O TI MUHỌ

15. Eme ọ te via re Ẹdẹ Oziẹobro na o te muhọ?

¹⁵ Jọn ukọ na ọ ruẹ eware nọ evia taore Ẹdẹ Oziẹobro na o te muhọ eva eruaruẹ. Okere nọ: “Mẹ ruẹ agbara-uvie ologbo avọ ohwo nọ ọ keriae. Akpọ avọ odhiwu e tẹ dhẹ no aro riẹ, . . . mẹ tẹ jẹ ruẹ enọ iwhu no te ilogbo te ekakao, nọ i dikihẹ aro agbara-uvie na . . . Yọ a bi bruoziẹ enọ iwhu na.” (Eviavia 20:11, 12) Fikiere taore Ẹdẹ Oziẹobro o te muhọ, eyero oke onana nọ a se nọ “akpọ avọ odhiwu na” e te vrẹ tao. Enọ e be gọ Ọghẹnẹ evo i ti kiọkọ nọ a ti kpe irumuomu no eva Amagidọn.—1 Jọn 2:17.

16. (a) Uno enọ iwhu no, amono ọfa a ti broziẹ rai evaọ Ẹdẹ Oziẹobro na? (b) Eme a ti ro broziẹ rai?

¹⁶ Orọnikọ “iri” nọ a kpare ze evo a ti broziẹ rai oke Ẹdẹ Oziẹobro na ha. Enọ erọ “uzuazọ” nọ e vrẹ Amagidọn gbe emọ rai kpobi a wo oziẹobro. (2 Timoti 4:1) Jọn ọ ruẹ oghẹrẹ oziẹobro rai eva eruaruẹ. “A te rovie ebe,” ere okere. “A te guẹdhọ iri na wọhọ epepa nọ iruo rai erọ nọ a kere họ ebe na. Abade o te siobọno iri nọ ejariẹ eva, uwhu gbe uki i te siobọno iri nọ erọ ae, a te bruoziẹ rai epanọ iruo omomọvo erọ.”—Eviavia 20:12, 13.

17. Emehọ “ikoebe” nọ a ti ro broziẹ “enọ erọ uzuazọ” gbe “enọ iwhu no”?

¹⁷ Diodẹ “ikoebe” a rovie nọ a jọ broziẹ ahwo na, te “iri” te enọ erọ “uzuazọ na”? Ete ghinẹ jọ nọ ebe efa jọ gbe Ebaibol Ọfuafo mai na. Eyena yọ ebe nọ ẹzi o su ikere rai, nọ izi gbe ijaje Jihova erọ. Ese enana e te lẹliẹ ahwo akpọ kpobi riẹ oreva Ọghẹnẹ. Kọ ẹkwoma izi gbe ijaje nọ e rọ “ikoebe” enana a ti ro bruoziẹ ohwo kpobi nọ ọ te jọ akpọ. Enọ e kezọ eware nọ erọ ebe nana a re ti wo erere idhe ẹtanigbo Kristi, a vẹ te rehọ ẹrera nyate ẹgbakiete ohwo akpọ.

20. (a) Eme Jihova o ti ruẹ re ọ riẹ edẹ enọ a ti kere họ “obe uzuazọ na”? (b) Fikieme ẹdawọ urere ọrọ ahwo, oje fo?

²⁰ Kọ ẹvẹ Jihova ọ rọ riẹ edẹ ahwo nọ a re kere fihọ “iko obe uzuazọ” hayo “obe uzuazọ na”? (Eviavia 20:12, 15) O te jọ ẹdawọ kẹ ahwo kpobi. Kareghẹ họ ekie Adamu avọ Ivi oke odawọ u tioye, yọ nọ a dawo Job ọ tẹ kparobọ. Rekọ ahwo buobu nọ e te ria te urere ikpe 1,000 na a ti wo ẹdawọ orọ ẹrọwọ rai hi. A jọ igbori ọ ẹjiroro Jihova taore a tẹ te kpare ae no uwhu ze. A jọ abọ esuo oyoma ọ Setan na; okeyena a “kiẹrẹe he.” Kọ nọ a jẹ te kpare ae no o te jọ lọlọhọ kẹ ae re a gọ Jihova fiki akpọ yere eva ọ Aparadase ababọ ọzadhe Ẹdhọ. Kọ ogbotu ahwo buobu itieye a sae te gọ Jihova otẹrọnọ a kẹ Ẹdhọ uvẹ re ọ daoma whaha ae ere oruo? Kọ Setan ọ sai ti ruae epanọ o ru Adamu avọ Ivi nọ a jọ gbagba na?

21. (a) Ẹvẹ Jihova ọ bete rehọ dawo ahwo? (b) Okenọ ẹdawọ na ọvrẹno, eme ọ tevia kẹ enọ okpomahọ kpobi?

²¹ Re a ku avro enọ enana họ, Jihova ọ tẹ rọ obusino Ẹdhọ avọ idhiveri riẹ no obọ utori nọ a jọ eva ikpe 1,000 na. Kọ eme u no rie ze? Ebaibol o dhesẹ nọ Ẹdhọ ọ kpare obọ eva ahwo jọ nọ a siwi rehọ se Jihova ba ẹgọ. Enana e te jọ wọhọ “uwẹkpẹ abade,” nọ udhesẹ nọ a riẹ unuahwo rai hi. Nọ odawọ onana o tẹ vrẹ no kọ a ti gbolo Setan avọ idhivẹri riẹ gbe ahwo kpobi nọ a riase he fihọ “awae erae” nọ a ro dhesẹ uwhu avivẹ (ebẹdẹbẹdẹ) na. (Eviavia 20:7-10, 15) Rekọ ahwo kpobi nọ a ruẹ odẹ rai eva “obe uzuazọ na” a ti kiọkọ eva otọakpọ aparadase orro na. A kere odẹ rai fihọ “obe uzuazọ na” họ Jihova o broziẹ rai nọ ae kiẹrẹe gbate eva udu, iroro gbe oma, fikiere a re ti fo kẹ ẹria evaọ akpọ aparadase bẹdẹbẹdẹ.