Omaa Ewuhrẹ Odibọgba

Oka nọ O rọ March 8 Muhọ

Ole avọ 37

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ ahwo kpobi re a wha ibroshọ ọkpokpọ na “Ruẹ Otọ Uwoma Na” ziọ Ewuhrẹ Odibọgba oka notha. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ivẹ erọ epanọ a re ro fi Uwou-Eroro ọ April 1 (iroro-ejẹ ọsosuọ) gbe Awake! ọ March 22 na họ ada.

15 min: Emebe-Evẹvẹ nọ A Re ro Mu Ẹmeọta Họ. Ẹmeọta ogbotu. Ẹsibuobu, oware nọ o rẹ mae bẹ evaọ isẹri-ise họ epanọ a re ro mu ẹmeọta họ. A rẹ sae rehọ emebe-evẹvẹ mu ẹmeọta họ evaọ isẹri-ise no ẹthẹ-ruọ-ẹthẹ, evaọ ẹkwotọ ekiọthuọ, gbe evaọ eria nọ ahwo a re kokohọ. Kiẹ emebe-evẹvẹ ivẹ hayo esa riwi kpẹkpẹe enọ e rẹ sai si ahwo urru evaọ ẹkwotọ rai. Eme emuhọ vẹ a rẹ sae ta nọ a te bi fi emebe-evẹvẹ nana họ ada? Ẹvẹ a rẹ sae rehọ etadhesẹ na ruiruo riwi? Didi enọ a rẹ sae rehọ areghẹ nọ? Si iroro kpohọ edhe-ẹme nọ a rẹ sae jọ omobe-ovẹvẹ ọvuọvo wuhrẹ otẹrọnọ ohwo nọ o wo uwou na o dhesẹ isiuru. Ru odhesẹvia ọrọ epanọ a sae rọ rehọ omobe-ovẹvẹ mu ẹmeọta họ. Ta kẹ owhowho-uvie na re o ọ rehọ edhe-ẹme ọvo jọ no omobe-ovẹvẹ na ze ro lele ohwo na tẹme kpẹkpẹe, kẹsena o ve kuhọ avọ obe Eriariẹ na nọ o re fihọ ada.

20 min: “Wha You Jihova, Whai Erezi Riẹ Kpobi.”a Nọ whọ tẹ be ta kpahe edhe-ẹme avọ 3, nọ ogbotu na re a ta epanọ a ro zizie ahwo kpohọ Ekareghẹhọ na no.

Ole avọ 131 gbe olẹ ekuhọ.

Oka nọ O rọ March 15 Muhọ

Ole avọ 121

10 min: Iwhowhovia obonẹ. Kiẹ igogo-eme ọ “Ọjọriẹ Ehaa Ekareghehọ” na riwi. Whowho oke nọ a ti ro ru Uwuhrẹ Uwou-Eroro na evaọ oka ọ Ekareghẹhọ na. Kareghẹhọ iwhowho-uvie re a nẹ iyẹrẹ usiuwoma ota ubro amara ọ March.

15 min: Evuẹ Ekpokpọ Kpahe Iruẹru Obọdẹ Evaọ Ezi Ekareghẹhọ Na. Ẹmeọta ogbotu nọ ọsẹro usiuwoma ota o re ru. Fodẹ obọdẹ ọruẹrẹfihotọ nọ a ru no. Gbiku eware ọbọga jọ nọ a reawere rai no. Ta udu họ ahwo nọ a rẹ sai ru ọkobaro obufihọ awọ re a fi obe họ kẹ amara ọ April gbe May. Kiẹ igogo-eme jọ riwi kpẹkpẹe rono uko-obeva ọ Odibọgba Uvie Mai ọrọ February ze.

20 min: Wo Erere no “Ruẹ Otọ Uwoma Na” Ze. Ibroshọ ọkpokpọ na ọ rẹ sai ru isase gbe ewuhrẹ mai ọrọ Ẹme Ọghẹnẹ vọ avọ otoriẹ. Oware nọ o rẹ sai fi obọ họ kẹ owhẹ họ idhesẹ-oria riẹ nọ who re ro ru iruo. Se Aizaya 63:1, nọ u dhesẹ Jihova wọhọ nọ o bi no obọ Bozra ze. Zizie ahwo kpobi re a gwọlọ oria nọ a re jo duku Bozra evaọ ọruẹrẹhọ izoẹme “Otọ Uwoma” na. Dhesẹ oware nọ “Bozra 11 G11” u dhesẹ, ẹkwoma ẹkpẹti nọ ọ rrọ ẹwẹ-obe avọ 34 na nọ who re ro ruiruo, jẹ gwọlọ Bozra gbe Edọm eva udhesẹ-oria nọ a fodẹ na. Ẹkwoma idhesẹ-oria na nọ who re ro ru iruo, gwọlọ edhere nọ Jesu ọ nya no Jerusalẹm kpohọ Saeka. (Jọn 4:3-5) Rehọ idhesẹ-oria na gwọlọ ẹtẹre-ame Bẹtẹsda re. (Jọn 5:1-3) Salọ oriruo ọvo hayo ivẹ rono isase Ebaibol ọ ẹkpoka rọkẹ Isukulu Odibọgba Esuo-Ọghẹnẹ na ze. Zizie ogbotu na re a ta kpahe oria nọ a jẹ sae ruẹ eria yena evaọ ibroshọ na gbe epanọ ma re ro wo erere no eroruiruo idhesẹ-oria na ze. Rehọ omoke jọ fielo họ idhesẹ-oria jọ evaọ ibroshọ na, muẹrohọ etoke nọ e rehọ. Udhesẹ-oria nọ o rrọ ẹwẹ-obe avọ 18-19 na u wo unu eria Ebaibol nọ o mai bu kpobi. Ta udu họ ahwo kpobi awọ re a rehọ ibroshọ “Ruẹ Otọ Uwoma Na” ruiruo ziezi.

Ole avọ 63 gbe olẹ ekuhọ.

Oka nọ O rọ March 22 Muhọ

Ole avọ 191

10 min: Iwhowhovia obonẹ. Iyẹrẹ epanọ igho e nya. Kareghẹhọ ahwo kpobi re a nya lele omaa isase Ebaibol Ekareghẹhọ nọ a ma fihọ kẹ March 30–April 4, wọhọ epanọ a ruẹrẹ e riẹ họ Ẹkiẹriwo Ikereakere na Kẹdẹ Kẹdẹ—2004 gbe 2004 Calendar na.

15 min: “Ewuhrẹ Ọnya Ẹsikpobi—Oware nọ A Rẹ Rọ Karo.” Vuẹ omọvo hayo imava kpahotọ re a ta kpahe owọ nọ a jẹ no re a ruẹ nọ a kpohọ iwuhrẹ ukoko kpobi.

20 min: “Ọvẹruọ Ọkpakpata Ogbaẹmo Enyenya nọ U Kpomahọ Owhẹ.” Oke o tẹ riẹ, se jẹ ta kpahe ikereakere nọ a fodẹ na.

Ole avọ 181 gbe olẹ ekuhọ.

Oka nọ O rọ March 29 Muhọ

Ole avọ 129

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ọ March. Fodẹ ebe nọ a ti fihọ ada evaọ April. Ẹkwoma iroro-ejẹ nọ e rrọ ẹwẹ-obe avọ 8 na, ru idhesẹvia ivẹ erọ epanọ a re ro fi Uwou-Eroro ọ April 1 (iroro-ejẹ avivẹ) gbe Awake! ọ April 8 na họ ada.

15 min: “Ebabọ Egwa Uvie E be Nyaharo Evaọ Nigeria.” (Edhe-ẹme 1-6) Nọ whọ tẹ be ta kpahe edhe-ẹme avọ 6, ta kẹ ahwo jọ re a ta kpahe epanọ a rọ jọ ebabọ Ọgwa Uvie wobọ. Fiẹgba họ owha-iruo nọ ukoko na u wo nọ a re ro ru oware kpobi nọ a rẹ sai ru re a wobọ evaọ ebabọ rai, gbe epanọ a rẹ rọ rehọ ẹro te araha igho ebabọ na jegbe ẹruorote Ọgwa Uvie na ẹsikpobi.

20 min: Uzẹme Na U Re ku Iviuwou Kugbe. Ẹme gbe iroro-ejẹ ogbotu. Ẹsejọ ahwo nọ a dhesẹ isiuru a re si uke kpemu nọ a gbẹ gọ Jihova ha fikinọ ahwo uviuwou rai a wọso ae. Gbiku eware jọ nọ a rọ ẹro ruẹ evaọ: Uwou-Eroro ọ January 1, 2002, ẹwẹ-obe avọ 24-25; January 1, 2001, ẹwẹ-obe avọ 17; Uwou-Eroro ọ September 1, 1999, ẹwẹ-obe avọ 32; Uwou-Eroro ọ January 1, 1999, ẹwẹ-obe avọ 4; gbe Awake! ọ February 22, 1998, ẹwẹ-obe avọ 31. Fi elo họ iẹe inọ uzuazọ uviuwou u re nwene nọ o tẹ make rọnọ omọvo jọ evaọ uviuwou na o fi ehri-uzi Ebaibol họ iruo.

Ole avọ 130 gbe olẹ ekuhọ.

Oka nọ O rọ April 5 Muhọ

Ole avọ 126

10 min: Iwhowhovia obonẹ.

20 min: Ẹfuọ Ugboma Ọ rẹ Ta Ẹme Ezi Mai. Ẹme nọ a re ru no Uwou-Eroro ọ June 1, 2002, ẹwẹ-obe avọ 27-29 ze. Ku odhesẹvia kugbei onọ ọkpako o je bi dhesẹ kẹ ọkobaro epanọ a rẹ rọ rehọ ona fi obọ họ kẹ ọmọ-uwuhrẹ Ebaibol re ọ ruẹ epanọ uwou gbe ighẹ nọ a re ru fihọ fuafo o jẹ roja, rehọ uwuhrẹ avọ 9, edhe-ẹme avọ 5, evaọ ibroshọ Gwọlọ na ruiruo.

15 min: “Ebabọ Egwa Uvie E be Nyaharo Evaọ Nigeria.” (Edhe-ẹme avọ 7-12) Se edhe-ẹme avọ 7-10. Nọ whọ tẹ be ta kpahe edhe-ẹme avọ 8, vuẹ ukoko na kpahe iyẹrẹ unevaze nọ a ru kẹ Ọgwa Uvie rai nọ a te bọ evaọ obaro hayo ọnọ ọ rriẹ enẹna. Ta udu họ ae awọ re a nya lele ọruẹrẹfihotọ ukoko je yo ẹme kẹ enọ i bi su ai.—Ahwo Hibru 13:17.

Ole avọ 25 gbe olẹ ekuhọ.

Iyẹrẹ Iruo November

Av. Av. Av. Av.

Unu ọ: Hrs. Mags. R.V. Bi.St.

Sp’l Pios. 498 134.1 48.9 64.0 13.6

Pios. 25,319 52.0 14.8 19.9 5.5

Aux. Pios. 3,631 46.5 12.2 15.6 4.4

Pubs. 215,402 10.1 3.6 3.9 1.2

AIKPOBI 244,850 Enọ e họ-ame: 4,472