Iwhowhovia

◼ Ebe nọ a ti fihọ ada evaọ May: Fi Emagazini Uwou-Eroro Na gbe Awake! họ ada. Okenọ who te bi zihe bru ahwo nọ a dhesẹ isiuru, ku ahwo nọ a kpohọ Ekareghẹhọ na hayo omakugbe Ileleikristi mai efa jọ rekiyọ a ri kuomagbe ukoko na ziezi hi kugbei, tẹrovi efihada obe ọ Gọ Ọghẹnẹ na. Daoma gaga re who muọ obe-uwuhrẹ Ebaibol họ, maero otẹrọnọ ohwo na o wuhrẹ obe Eriariẹ na gbe ibroshọ Gwọlọ na no. June: Wuhrẹ Mi Owuhrẹ Ologbo Na. Otẹrọnọ ohwo ọ ta nọ o wo emọ họ, who ve fi ibroshọ Gwọlọ na họ ada. Nọ whọ tẹ be rehọ ibroshọ na ru iruo, tẹrovi emuhọ ebe-iwuhrẹ Ebaibol. July gbe August: A rẹ sai fi ibroshọ ewẹ-obe 32 enana jọ họ ada: A Book for All People, A Satisfying Life, Edhere nọ O Re Su Kpohọ Uzuazọ Ebẹdẹ Bẹdẹ-Kọ Who Duku Ei No? Egọmeti Nọ Ọ te Rehọ Aparadase Tha, Eme Họ Ẹjiroro Uzuazọ? Ẹvẹ Whọ Sai Ro Duku Ei?, Eme Ọ rẹ Via k’Omai Okenọ Ma te Whu?, Isẹri Jihova—Oghẹrẹ Ahwo Vẹ A Rrọ? Eme A Rọwo?, Izi Ahwo nọ Ahwuno—Kọ E Rẹ Sai Fiobọhọ K’owhẹ Manikọ E Rẹ Nwa Owhẹ Oma? Kọ Eghinẹ Rọ?, Kọ Ọghẹnẹ Ọ Be Ghinẹ Daezọ Mai?, Okenọ Ohwo nọ Who You O te Whu, Reawere Uzuazọ Otọakpọ Bẹdẹ Bẹdẹ!, “Ri! Me Bi Ru Eware Kpobi Fihọ Ekpokpọ”, gbe The Divine Name That Will Endure Forever.

◼ Ọsẹro ukoko na hayo omọfa nọ o vi ọ rẹ kiẹ igho ukoko na riwi evaọ June 1 hayo oke ofa nọ o kẹle riẹ. A te ru onana no, a ve whowho iei kẹ ukoko na nọ a te se iyẹrẹ epanọ igho e nya notha na no.

◼ Ohwo ọ tẹ be rehọ echẹke (obe nọ a rẹ rọ rehọ igho evaọ ebanke) ru unevaze fihọ itehe unevaze nọ e rrọ Ọgwa Uvie na rọkẹ iruo akpọ-soso gbe Ẹkpa-Ugho Ọgwa Uvie na, a re kere fihọ echẹke na nọ, wha ugho na kẹ “Watch Tower.”

Efihada Obe ọ Wuhrẹ Mi Owuhrẹ Ologbo Na

◼ “Kọ who roro nnọ akpọ na ọ rẹ mai woma ẹria otẹrọnọ ahwo a ru lele ẹme nana? [Se Matiu 7:12a. Kẹsena whọ vẹ kuvẹ kẹ uyo.] Ma rẹ jọ obe nana ruẹ eware buobu nọ ma rẹ sai wuhrẹ mi owuhrẹ nọ ọ mae rro nọ ọ rria no na.” Fi elo họ iwoho gbe eme nọ i dhesẹ iwoho na vẹ evaọ uzou avọ 17 na.

◼ “Esẹgbini buobu a be daoma wuhrẹ emọ rai emamọ iruemu. Kọ who roro nọ onana o roja? [Kuvẹ kẹ uyo. Kẹsena who ve se Itẹ 22:6.] Muẹrohọ nnọ a ta udu họ esẹgbini awọ re a wuhrẹ emọ rai no emaha ze. A kere obe nana re u fi obọ họ kẹ ai ru ere.” Fi elo họ iwoho gbe eme nọ i dhesẹ iwoho na vẹ evaọ uzou avọ 15, 18, hayo 32.

◼ “Ẹsibuobu, enọ nọ emọ rai e rẹ nọ i re gbe esẹgbini unu. Enọ nana jọ e rẹ bẹ ẹza, ogbẹrọ ere? [Kuvẹ kẹ uyo. Kẹsena who ve se 2 Timoti 3:14, 15.] Oni Timoti gbe oniode riẹ a wuhrẹ i riẹ oware nọ Ikereakere na e ta no emaha ze. Obe nana o rẹ sai fi obọ họ kẹ esẹgbini ru epọvo na kẹ emọ rai nẹnẹ re.” Fi elo họ iwoho jọ gbe eme nọ i dhesẹ iwoho na evaọ uzou avọ 11 gbe 12 hayo 34 rite 36.

Iyẹrẹ Iruo January

Av. Av. Av. Av.

Unu ọ: Hrs. Mags. R.V. Bi.St.

Sp’l Pios. 499 132.8 35.4 61.7 13.3

Pios. 26,112 54.7 17.2 20.7 5.6

Aux. Pios. 5,234 48.0 13.6 15.1 4.0

Pubs. 224,042 10.7 4.2 3.9 1.2

AIKPOBI 255,887 Enọ e họ-ame: 629

Edhere nọ A re ro Fi Obọ họ kẹ Ae

Ileleikristi uzẹme a re wabọ evaọ odibọgba ẹgbede ọrọ ewhowho emamọ usi na. (Fil. 2:17) Re a ruẹsi ru oyena gba, ma fi ugogo ibroshọ, emebe-evẹvẹ, gbe izoeme jọ evaọ evẹrẹ 20 fihọ Itanẹte no, eva adrẹse nana www.watchtower.org. Orọnikọ a ru Evie-Evuẹ ọ Itanẹte nana re a rehọ iẹe vravra ebe ekpokpọ kẹ Isẹri Jihova ha. Ẹjiroro nọ a ro ru ei họ re a rehọ iẹe kẹ ẹgbede evuẹ egbagba kpahe oware nọ Isẹri Jihova a bi wuhrẹ no Ebaibol na ze.

Kẹle na, a fi obe ofa jọ ba ebe nọ e rrọ Evie-Evuẹ mai na. Onana họ ibroshọ na Eme Ọghẹnẹ Ọ Gwọlọ Mi Omai? evaọ evẹrẹ nọ i bu vi 220. Ofariẹ, muhọ no uvitha ọ January 1 gbe January 8, 2004, erọ Uwou-Eroro Na gbe Awake! evaọ evẹrẹ kpobi, ma be te hai kere adrẹse Evie-Evuẹ mai na fihọ ẹwẹ-obe urere rai.

Ẹvẹ whọ sae rọ rehọ okwakwa onana ru iruo? Whaọ, whọ sae ruẹ ohwo nọ o dhesẹ isiuru rekọ ẹvẹrẹ ọfa ọvo o yo. Otẹrọnọ o wo oria nọ ọ jẹ sae kiẹ Itanẹte, whọ sai dhesẹ adrẹse nọ ọ rrọ ẹwẹ-obe urere Uwou-Eroro Na hayo Awake! na kẹe. Ẹkwoma ere oruo ọ sae jọ Itanẹte se ibrọshọ Gwọlọ na evaọ ẹvẹrẹ obọ riẹ bẹsenọ whọ rẹ rehọ obe ẹvẹrẹ riẹ tei obọ. Hayo whọ sai je dhesẹ iẹe kẹ ukoko hayo utu nọ o riẹ ẹvẹrẹ riẹ.