Ukeledẹ 2011 U Dhesẹ Epanọ Uwuhrẹ Uviuwou U Wuzou Te

Eme kpahe Uwuhrẹ Uviuwou eye edhẹ Ukeledẹ ọ 2011 ọrọ Isẹri Jihova duwu. A jọ ukeledẹ na dhesẹ iwoho iviuwou oke mai na gbe e rrọ oke anwae. A tẹ jẹ jariẹ dhesẹ idibo Jihova nọ erọo no gbe enọ e re rọo ho nọ i bi wuhrẹ Ẹme riẹ.

Enọ a gbiku rai evaọ Ebaibol nọ iwoho rai e rrọ ukeledẹ na, a wo isiuru kpahe uzi Jihova yọ onana u fi obọ họ kẹ ae thihakọ ebẹbẹ nọ i te rai. (Ol. 1:2, 3) Iwoho nọ e rrọ ukeledẹ na e te kareghẹhọ omai epanọ Uwuhrẹ Uviuwou u wuzou te, ma tẹ make rrọ uviuwou ulogbo hayo osese, uviuwou nọ ahwo na kpobi a jẹ rrọ ukoko na hayo ejọ e rrọ họ. Ukeledẹ na u wo oria nọ who re kere ẹdẹ nọ uviuwou ra u fihọ kẹ Uwuhrẹ Uviuwou na fihọ. Kọ who kere ẹdẹ na fihọ iẹe no?