“Kọ whọ ruẹ ohwo nọ o wo onaa iruo ziezi no ẹdẹ jọ? Aro ivie o re dikihẹ; o re dikihẹ aro ahwo gheghe he.”

Itẹ 22:29

“Jọ ọnọ o re tho uji o gbe tho ofa ha; rekọ jọ o ru iruo egaga, ọ rehọ abọ riẹ ru iruo iwoma, re ọ sai wo oware nọ ọ rẹ kẹ ọnọ o wo ho.”

Ahwo Ẹfisọs 4:28

“Ohwo kpobi ọ rẹ re jẹ da jẹ re omaweromẹ iruo egaga riẹ kpobi. Onana yọ okẹ Ọghẹnẹ.”

Ọtausiuwoma Na 3:13

“Ohwo nọ akpọriọ ọ rẹ were gaga, uvuhu u ti kpei; ohwo nọ enwaene avọ ewhri e rẹ were gaga, o re fe he.”

Itẹ 21:17

“Ohwo nọ o momo, ọrigbo ọ rrọ kẹ ọnọ o momo mi.”

Itẹ 22:7

“Ono evaọ usu rai na nọ ọ gwọlọ bọ uwou ukpehru ọ rẹ kake keria tao ho re o roro araha na sọ ugho riẹ u ti tei bọe re? O gbẹ rrọ ere he, ọ sae wọ otọhotọ uwou na họ rekọ ọ sae bọe re he, kẹsena ahwo kpobi nọ a be ruẹ e riẹ a ve mu ei ẹkoko họ ese, inọ: ‘Ọzae nana o mu uwou họ ẹbọ rekọ ọ sae bọe re he.’”

Luk 14:28-30

“Nọ a re eva vọ no, ọ tẹ ta kẹ ilele riẹ nọ: ‘Wha koko ewẹ nọ i kiọkọ họ, re oware ovo o seba ẹraha kufiẹ.’”

Jọn 6:12

“Emu nọ a rọ ẹbe ọvo there evaọ oria nọ uyoyou o rrọ u woma vi eruẹ ọpoporiẹ evaọ oria nọ omukpahọ o rrọ.”

Itẹ 15:17

“Mẹ Jihova, mẹ họ Ọghẹnẹ ra, Ọnọ o bi wuhrẹ owhẹ re who wo erere kẹ omara, Ọnọ o bi su owhẹ evaọ edhere nọ u fo nọ whọ rẹ nya.”

Aizaya 48:17

“Eva e were enọ e riẹ nọ u fo re a riẹ Ọghẹnẹ, keme Uvie odhiwu o rrọ kẹ ae.”

Matiu 5:3

“Who re you ọrivẹ ra wọhọ omobọ ra hrọ.”

Matiu 22:39

“Nwane wọhọ epanọ wha gwọlọ nọ ahwo a ru kẹ owhai, wha ru epọvo na kẹ ae re.”

Luk 6:31

“Eva e were enọ i bi yo ẹme Ọghẹnẹ je bi koko iei!”

Luk 11:28

“Ohwo ọ tẹ maki wo eware buobu, eware na e rẹ kẹe uzuazọ họ.”

Luk 12:15

“Fikiere, ma te wo emuore gbe iwu, eware nana e rẹ da omai ẹro.”

1 Timoti 6:8

“Ẹkẹ evawere e mae rrọ vi emio.”

Iruẹru Ikọ 20:35

“Gbolo owha ra kẹ Jihova, ọ te rẹrote owhẹ. Ọ rẹ kuvẹ vievie he re ohwo okiẹrẹe o kie.”

Olezi 55:22

“Omaa ohwo nọ o re kru obọ ga, o rẹ riẹ nya hrọ, rekọ ahwo nọ a re bru okpakpa kpobi, a ti kie ruọ uvuhu hrọ.”

Itẹ 21:5

“Jọ ozọ u mu owhẹ hẹ, keme mẹ rrọ kugbe owhẹ. Whọ ruawa ha, keme mẹ họ Ọghẹnẹ ra. Me ti ru owhẹ ga, ẹhẹ, me ti fiobọhọ kẹ owhẹ, mẹ te rehọ obọze ẹrẹreokie mẹ kru owhẹ kekeke.”

Aizaya 41:10

“Ono evaọ usu rai ọ rẹ sae rọ fiki awaọruọ fi omoke jọ ba uzuazọ riẹ?”

Matiu 6:27

“Fikiere, wha ruawa odẹnotha vievie he, keme odẹnotha o ti wo ẹkẹ ebẹbẹ riẹ. Ebẹbẹ ẹdẹ kpobi i te kẹ ẹdẹ yena.”

Matiu 6:34

“Vuhu eware nọ e mae roja.”

Ahwo Filipai 1:10

“Wha ruawa kpahe oware ovo ho, rekọ evaọ oware kpobi wha rọ olẹ avọ olẹ ayare-ọgaga kugbe uyere-okẹ ta ayare rai via kẹ Ọghẹnẹ; udhedhẹ Ọghẹnẹ nọ u vi otoriẹ kpobi o vẹ te sẹro udu rai gbe ogaga iroro rai ẹkwoma Kristi Jesu.”

Ahwo Filipai 4:6, 7

EZAE/ESẸ

“Epọvo na u fo nọ ezae i re you eyae rai wọhọ ugboma obọrai. Ọzae nọ o you aye riẹ, yọ omobọ riẹ o you na, keme ọzae ọvo o re mukpahe ugboma obọriẹ hẹ, rekọ ọ rẹ kuọ oma na je rri rie ghaghae . . . Whai omomọvo o re you aye riẹ hrọ wọhọ epanọ o you omobọ riẹ.”

Ahwo Ẹfisọs 5:28, 29, 33

“Whai esẹ, wha ru emọ rai eva dha ha, rekọ wha gbẹ hae rehọ ọwhọkuo gbe ehrẹ Jihova rọ yọrọ ae.”

Ahwo Ẹfisọs 6:4

EYAE

“Jọ aye o wo adhẹẹ odidi kẹ ọzae riẹ.”

Ahwo Ẹfisọs 5:33

“Whai eyae, wha romakpotọ kẹ ezae rai, wọhọ epanọ u fo evaọ Olori na.”

Ahwo Kọlọsi 3:18

EMỌ

“Whai emọ, wha yoẹme kẹ esẹgbini rai evaọ oghẹrẹ nọ o rẹ were Olori na, keme onana u kiẹrẹe. ‘Rọ ọghọ kẹ ọsẹ ra avọ oni ra’ họ ujaje ọsosuọ nọ a jie avọ eyaa, inọ: ‘Re o ruẹsi woma kẹ owhẹ, whọ vẹ ruẹse gbẹ jọ otọakpọ na oke krẹkri.’”

Ahwo Ẹfisọs 6:1-3

“Whai emọ, wha yoẹme kẹ esẹgbini rai evaọ oware kpobi, keme onana o rẹ were Olori na.”

Ahwo Kọlọsi 3:20