ONỌ AVỌ 17
Ẹvẹ Ebaibol na ọ sai ro fiobọhọ kẹ uviuwou ra?
EZAE/ESẸ
“Epọvo na u fo nọ ezae i re you eyae rai wọhọ ugboma obọrai. Ọzae nọ o you aye riẹ, yọ omobọ riẹ o you na, keme ọzae ọvo o re mukpahe ugboma obọriẹ hẹ, rekọ ọ rẹ kuọ oma na je rri rie ghaghae . . . Whai omomọvo o re you aye riẹ hrọ wọhọ epanọ o you omobọ riẹ.”
“Whai esẹ, wha ru emọ rai eva dha ha, rekọ wha gbẹ hae rehọ ọwhọkuo gbe ehrẹ Jihova rọ yọrọ ae.”
EYAE
“Jọ aye o wo adhẹẹ odidi kẹ ọzae riẹ.”
“Whai eyae, wha romakpotọ kẹ ezae rai, wọhọ epanọ u fo evaọ Olori na.”
EMỌ
“Whai emọ, wha yoẹme kẹ esẹgbini rai evaọ oghẹrẹ nọ o rẹ were Olori na, keme onana u kiẹrẹe. ‘Rọ ọghọ kẹ ọsẹ ra avọ oni ra’ họ ujaje ọsosuọ nọ a jie avọ eyaa, inọ: ‘Re o ruẹsi woma kẹ owhẹ, whọ vẹ ruẹse gbẹ jọ otọakpọ na oke krẹkri.’”
“Whai emọ, wha yoẹme kẹ esẹgbini rai evaọ oware kpobi, keme onana o rẹ were Olori na.”