EWARE AGHAE NỌ E RRỌ EBAIBOL NA | EMUHỌ 31

Jekọp avọ Leban A Re Ọvọ Udhedhẹ

Fikieme Jekọp avọ Leban a rọ wọ itho kokohọ dudurudu?

Re o jọ isẹri kẹ ohwo kpobi nọ ọ be nyavrẹ inọ aimava na a re ọvọ udhedhẹ
Re o kareghẹhọ ai nọ Jihova o je rri rai sọ aimava na a ti koko ọvọ udhedhẹ rai na

Iwoho na: 1. Inievo-emetẹ ivẹ jọ nọ a bi rri ohwohwo evaọ obọ Ọgwa Uvie, yọ a bi muofu kẹ ohwohwo. Inievo-emezae gbe inievo-emetẹ efa e rrọ obemu rai be ta ẹme jẹ hwẹ kugbe. 2. Inievo-emetẹ ivẹ na nọ a keria emẹjẹ evaọ aro ehọtẹle jọ nọ a be da iti, yọ a be rọ evawere lele ohwohwo ta ẹme. Okẹ osese jọ gbe Ebaibol e rrọ ehru emẹjẹ na.

Nẹnẹ na, Jihova ọ gwọlọ nọ udhedhẹ o jọ udevie idibo riẹ. Oghẹrẹ vẹ eware esa nọ ma be te fodẹ evaọ obotọ na e sai ro fiobọhọ kẹ omai lele amọfa rria dhedhẹ hayo ru udhedhẹ kugbe amọfa?

Lele ohwo na ta ẹme na.—Mt 5:23, 24
Rọvrẹ riẹriẹriẹ.—Kọl 3:13
Wo odiri.—Rom 12:21