Oka nọ O Rọ March 26

OKA NỌ O RỌ MARCH 26 MUHỌ

Ole avọ 92 gbe Olẹ

□ Uwuhrẹ Ebaibol Ukoko:

cf uzou 15 edhe. 1-7 (25 min.)

□ Isukulu Odibọgba Esuo-Ọghẹnẹ:

Isase Ebaibol: Jerimaya 12-16 (10 min.)

No. 1: Jerimaya 13:1-14 (4 min. hayo kpẹre viere)

No. 2: Kọ Orọwọ nọ A Wo Kpahe Jesu Ọvo U Te kẹ Esiwo?—td-IS 29C (5 min.)

No. 3: Eghale nọ Uvie Ọghẹnẹ O te Wha Ze?—td-IS 41A (5 min.)

□ Ewuhrẹ Odibọgba:

Ole avọ 124

5 min: Iwhowhovia. Vuẹ ukoko na ekwotọ rai nọ i kiọkọ nọ wha re jọ ghale obe-uzizie Ekareghẹhọ na ha.

10 min: Dede Enọ E te Nyaze Rehọ. (Rom 15:7) Ẹme nọ ọkpako ukoko o re ru. Ta kpahe ọruẹrẹfihotọ nọ wha ru no kẹ Ekareghẹhọ na. Fodẹ idhere jọ nọ omomọvo ọ sai ro dhesẹ uruemu odederehọ kẹ ahwo nọ e ziọ Ekareghehọ na, te enọ e siọ iruo Uvie na ba no. Ru odhesẹvia ọkpẹkpẹe nọ o wo abava. Evaọ abọ ọsosuọ, taure Ekareghẹhọ na i te ti muhọ owhowho-uvie o bi dede ohwo jọ rehọ, ọnọ ọ nyaze fiki obe-uzizie nọ a kẹ riẹ. Evaọ abọ avivẹ, nọ a ku Ekareghẹhọ na họ no, owhowho-uvie na o te lele ohwo na ta ẹme kpahe epanọ ọ te rọ nyabru ei re a gbẹ ta ẹme kpahe Ebaibol na.

20 min: “Igbunu Emama Ọghẹnẹ I Dhesẹ Oruaro Riẹ Via.” Ẹme enọ gbe iyo nọ a re ru no Abọ 3 ọrọ ibroshọ na Kọ Ọghẹnẹ Ọ Be Ghinẹ Daezọ Mai? ze, edhe-ẹme avọ 3-21. Rehọ edhe-ẹme ọsosuọ ọrọ uzoẹme nọ o rrọ Odibọgba Uvie Mai na mu ẹme ra họ, kẹsena whọ vẹ rehọ edhe-ẹme avọ 3-21 evaọ Abọ 3 ọrọ ibroshọ na ru ẹme enọ gbe iyo. Enọ nọ e rrọ ibroshọ na whọ rẹ nọ. Ohwo kpobi o re rri ividio na “The Wonders of Creation Reveal God’s Glory” keme ma te ta ẹme kpahe iẹe kpẹkpẹe evaọ ekuhọ ẹme nana.

Ole avọ 110 gbe Olẹ

Igbunu Emama Ọghẹnẹ I Dhesẹ Oruaro Riẹ Via

O rẹ were ahwo buobu re a rri emama Ọghẹnẹ. Rekọ umutho ahwo jọ ọvo a riẹ inọ onana o rẹ lẹliẹ ae riẹ eware jọ kpahe Ọmemama na. (Rom. 1:20) Ikpe buobu nọ i kpemu, Devidi ọ jọ Ikereakere na wuhrẹ kpahe Jihova. Emama Ọghẹnẹ nọ o muẹrohọ i te je fi obọ họ kẹe sikẹle Ọghẹnẹ. (Ol. 8:3, 4) Ibroshọ na Kọ Ọghẹnẹ Ọ Be Ghinẹ Daezọ Mai? o re fi obọ họ kẹ omai, emọ mai, gbe emọ-uwuhrẹ Ebaibol mai muẹrohọ emama Jihova, riẹ oghẹrẹ Ọghẹnẹ nọ Ọmemama na ọ rrọ, je fi obọ họ kẹ omai sikẹle iẹe.

Muẹrohọ Iruabọ Jihova: Jesu ọ ta inọ ma hai “Ri erao ora ehru na” je “roro ikẹba nọ erọ obọ ẹwọ.” (Mat. 6:26, 28) Onana o rẹ lẹliẹ omai rọwo je fi eva họ Ọmemama na, Jihova, je ru omai vuhu epanọ areghẹ, ogaga esiwo, gbe uyoyou riẹ e rro te. Ukpenọ ọgbohrẹ ikẹdẹ kẹdẹ o rehọ iroro mai kpobi no, joma hae rehọ oke jọ muẹrohọ emama igbunu Jihova, je roro kpahe eware nọ ma sai wuhrẹ no ai ze kpahe Ọghẹnẹ mai na.—Ol. 19:1.