Nyaze! Ti Wo Omosasọ

1. Akpọ nana kpobi ọ raha re no;

A tubẹ riẹ Ọghẹnẹ hẹ.

Ma gwọlọ areghẹ nọ o n’ehru ze,

Areghẹ mai ọvo te he.

Ma te kp’ewuhrẹ ma re w’omosasọ;

Ẹrọwọ mai ọ vẹ jẹ ga.

U re fiobọhọ k’omai ru ewoma,

Ma ve w’ẹgba ro thihakọ.

Ọghẹnẹ te s’omai ohrẹ ma rẹ dhẹ,

Oware nọ ta ma re ru.

Iwuhrẹ mai rẹ kp’omai họ edhere,

Je ru’omai you uzẹme na.

2. Jihova ọ riẹ ẹgwọlọ mai kpobi;

Ma rẹ gaviezọ k’ohrẹ riẹ.

Ewuhrẹ o gbe bi v’omai vievie he,

U dhesẹ nọ ma fievahiẹe.

Eme n’ekpako na bi ro wuhr’omai,

E rẹ bọ ẹrọwọ mai ga.

Nọ inievo mai a rrọ kugb’omai na,

A ti fiobọhọ rọ k’omai.

Bẹsenọ akpọ ’kpokpọ na ọ te ze,

Joma hae kpohọ ewuhrẹ.

Iwuhrẹ na re ti fiobọhọ k’omai

W’areghẹ nọ o n’ehru ze.