Eware nọ Ma rẹ Sai Wuhrẹ Evaọ Ebaibol Na

Ovuẹ hayo ẹme Ọghẹnẹ họ oware nọ o rrọ Ebaibol na, yọ u re fiobọhọ kẹ omai nẹnẹ. O vuẹ omai epanọ ma sai ro yeri emamọ uzuazọ gbe epanọ ma sai ro ru oware nọ o rẹ were Ọghẹnẹ. O tẹ jẹ kiyo enọ nana:

1 Ono họ Ọghẹnẹ?
2 Ẹvẹ whọ sai ro wuhrẹ kpahe Ọghẹnẹ?
3 Ono o kere Ebaibol na?
4 Kọ Ebaibol na ọ rọwokugbe otokiẹ-eriariẹ?
5 Didi ovuẹ o rrọ Ebaibol na?
6 Eme Ebaibol na ọ ruẹaro riẹ kpahe Mesaya na?
7 Eme Ebaibol na ọ ruẹaro riẹ kpahe oke mai nana?
8 Kọ u fo re a fo Ọghẹnẹ kẹ uye-oruẹ ahwo-akpọ?
9 Fikieme ahwo-akpọ a be rọ ruẹ uye?
10 Eme Ebaibol na ọ ya eyaa riẹ kpahe obaro?
11 Eme ọ rẹ via nọ ohwo o te whu?
12 Ẹruore vẹ ma wo kpahe ahwo nọ a whu no?
13 Eme Ebaibol na ọ ta kpahe iruo?
14 Ẹvẹ whọ sai ro koko ugho ziezi?
15 Ẹvẹ whọ sai ro wo evawere?
16 Eme whọ rẹ sai ru nọ awaọruọ ọ tẹ rrọ owhẹ oma?
17 Ẹvẹ Ebaibol na ọ sai ro fiobọhọ kẹ uviuwou ra?
18 Ẹvẹ whọ sai ro si kẹle Ọghẹnẹ?
19 Eme a jọ ebe sa-sa Ebaibol na ta kpahe?
20 Ẹvẹ whọ sai ro wo erere no isase Ebaibol ra ze ziezi?

EPANỌ WHỌ SAI RO ROVIE ORIA EBAIBOL NỌ WHỌ GWỌLỌ

Ebe udhosa-gbezeza e rrọ Ebaibol na. A ghale riẹ kpohọ abava: Ikereakere Hibru avọ Aramaik (“Ọvọ Anwae”) gbe Ikereakere Griki (“Ọvọ Ọkpokpọ”). Whọ rẹ jọ obe Ebaibol kpobi ruẹ izou gbe awọ. Nọ a tẹ fodẹ oria Ebaibol jọ, inọmba ọsosuọ nọ a kere lele odẹ obe na họ uzou, yọ inọmba nọ u lele oyena họ owọ. Wọhọ oriruo, Emuhọ 1:1 u dhesẹ nọ obe Emuhọ uzou 1, owọ 1.