Abọ 17

Jesu O Wuhrẹ Ahwo Kpahe Uvie Ọghẹnẹ

Jesu o wuhrẹ ilele riẹ eware buobu, rekọ Uvie Ọghẹnẹ họ ugogo uzoẹme nọ ọ tẹrovi

EME Jesu ọ ziọ otọakpọ ti ru? Ọ ta nọ: “Mẹ rẹ vuẹovuẹ usiuwoma uvie Ọghẹnẹ . . . keme fiki onana a je vi omẹ ze.” (Luk 4:43) Roro kpahe eware ene jọ nọ Jesu o wuhrẹ ahwo kpahe Uvie yena, onọ o jọ ugogo uzoẹme usiuwoma ota riẹ.

1. Jesu ọ te jọ Ovie na. Jesu ọ ta vevẹ inọ ọye họ Mesaya nọ a ruẹaro riẹ na. (Jọn 4:25, 26) O te je ru ae riẹ inọ ọye họ Ovie nọ Daniẹl ọruẹaro na ọ ruẹ evaọ eruẹaruẹ na. Jesu ọ vuẹ ilele riẹ inọ oke o be tha nọ ọ te keria “agbara uvie oruaro,” gbe inọ ilele na omarai a te keria egbara uvie re. (Matiu 19:28) O se utu isu nana “uthuru okakao” riẹ, jẹ vuẹ ae inọ o wo “igodẹ efa” nọ e rrọ usu uthuru okakao na ha.—Luk 12:32; Jọn 10:16.

2. Uvie Ọghẹnẹ o te wha uvioziẹ haro. Jesu o dhesẹ nọ Uvie na o te rọ uvioziẹ ze, si ọtaraha nọ ọ mae rro kpaobọ no ẹkwoma odẹ Jihova Ọghẹnẹ nọ u ti ru fo je si ekela kpobi nọ Setan ọ wha se odẹ yena no anwọ okenọ ọkparesuọ ọ romavia evaọ ọgbọ Idẹn. (Matiu 6:9, 10) Jesu o je dhesẹ ababọ-ọriẹwẹ kẹdẹ kẹdẹ re ẹkwoma oghẹrẹ ahwo kpobi nọ o je wuhrẹ, te ezae te eyae, edafe gbe iyogbere. Dede nọ re o wuhrẹ emọ Izrẹl ọ mae rọ fiki riẹ nyaze, o wuhrẹ ahwo Sameria gbe ahwo erẹwho efa. Wo ohẹriẹ no isu egagọ edẹ riẹ, Jesu o dhesẹ ọriẹwẹ hayo rri ahwo jọ aro vi amọfa ha.

3. Uvie Ọghẹnẹ u wo abọ ọvo kugbe akpọ nana ha. Jesu ọ rria evaọ etoke nọ oma-uhrowo isuẹsu o rọ j’otọ. Orẹwho ofa u je su ẹkwotọ rai. Ghele na, nọ ahwo a jẹ gwọlọ ru ei duomahọ isuẹsu oke riẹ, o sioma no. (Jọn 6:14, 15) Ọ vuẹ osu jọ nọ: “Uvie mẹ [o rrọ] orọ akpọ na ha.” (Jọn 18:36) Ọ ta kẹ ilele riẹ inọ: “Wha rọ erọ akpọ na ha.” (Jọn 15:19) Ọ kẹ ilele riẹ uvẹ re a rehọ ekwakwa ẹmo họre he, makọ re a rehọ ae thọ ọyomariẹ dede.—Matiu 26:51, 52.

4. Kristi ọ te rọ uyoyou su. Jesu ọ ya eyaa inọ ọ te kẹ ahwo udhedhẹ, je ti ru ewha rai vori. (Matiu 11:28-30) Ere o gine ru okenọ ọ jọ otọakpọ. Ọ kẹ ehrẹ nọ i wiruo kpahe epanọ a rẹ rọ whaha awaọruọ, wo uvi oyerikugbe, whaha efe ole, je duku evawere. (Matiu, uzou avọ 5 rite orọ avọ 7) Fikinọ Jesu ọ jọ yoyou, o jọ lọlọhọ kẹ oghẹrẹ ahwo kpobi re a sikẹle iẹe. Makọ enọ a kienyẹ dede a jẹ hae nyabru Jesu, avọ evaifihọ inọ ọ te riẹ ai ru je bru ọghọ họ ae oma. Jesu ginọ emamọ Osu!

Jesu ọ rọ edhere ologbo ọfa jọ wuhrẹ ahwo kpahe Uvie Ọghẹnẹ. O ru eware igbunu buobu. Fikieme? Joma ruẹ.

—Wọhọ epanọ o rrọ obe Matiu, Mak, Luk, gbe Jọn.

◼ Ẹvẹ Jesu o ro wuhrẹ ahwo inọ ọyomariẹ họ Mesaya Ovie na?

◼ Ẹvẹ Jesu o ro dhesẹ via inọ ọriẹwẹ ọ te jọ esuo riẹ hẹ?

◼ Ẹvẹ Jesu o ro ru ei vẹ inọ Uvie riẹ u wo abọ ọvo kugbe akpọ nana ha?

◼ Ẹvẹ Jesu o ro dhesẹ inọ esuo riẹ ọ te jọ avọ uyoyou?

[Eme nọ a fi ẹgba họ nọ e rrọ ẹwẹ-obe avọ 20]

‘O je kpohọ . . . iwhre, be vuẹ ovuẹ usiuwoma uvie Ọghẹnẹ.’—Luk 8:1

[Omaa-iruo nọ e rrọ ẹwẹ-obe avọ 20]

Emuhọ

Ọnyano

Iruo-Izerẹ

Ikelakele

Iziewariẹ

Joshua

Ibruoziẹ

Rut

1 Samuẹle

2 Samuẹle

1 Ivie

2 Ivie

1 Iruẹru-Ivie

2 Iruẹru-Ivie

Ẹzra

Nehemaya

Ẹsta

Job

Ilezi

Maeka

Nahum

Habakuk

Zefanaya

Hagai

Zekaraya

Malakae

● Matiu

● Mak

● Luk

● Jọn

Iruẹru Ikọ Na

Ahwo Rom

1 Ahwo Kọrint

2 Ahwo Kọrint

Ahwo Galesha

Ahwo Ẹfẹsọs

Ahwo Filipai

Ahwo Kọlọsi

1 Ahwo Tẹsalonika

2 Ahwo Tẹsalonika

1 Timoti

2 Timoti

Taitọs

Filimọn

Ahwo Hibru

Jemis

1 Pita

2 Pita

1 Jọn

2 Jọn

3 Jọn

Jud

Eviavia

Abọ 18

Jesu O Ru Eware Igbunu

Jesu ọ rọ ẹkwoma eware igbunu nọ o ru dhesẹ epanọ ọ te rọ ogaga riẹ ru iruo nọ o te zihe ruọ Ovie no

ỌGHẸNẸ ọ kẹ Jesu ẹgba nọ o ro ru eware nọ ahwo-akpọ a rẹ sai ru hu. Jesu o ru eware igbunu buobu—ẹsibuobu evaọ iraro ogbotu. Eware igbunu yena i dhesẹ nọ Jesu o wo ogaga vi ewegrẹ ilogbo gbe ebẹbẹ nọ ahwo-akpọ sebaẹgba a be sai si no otọ họ. Rri iriruo jọ.

Jesu ọ kẹ emuore gbe udi. Oware igbunu ọsosuọ nọ Jesu o ru họ, ame nọ o zihe ruọ udi. U te no oyena no, isiava ọ rehọ ebrẹdi gbe imiyei kakao kuọ ogbotu ahwo nọ ohọo u je kpe. Evaọ isiava nana, emu nọ a re kiọkọ ọ jọ buobu.

Jesu o siwi enọ e jẹ mọ. Jesu o siwi “oghẹrẹ emo kpobi gbe oghẹrẹ ẹyao kpobi nọ i mu ahwo.” (Matiu 4:23) Jesu o siwi ahwo nọ i tuaro, enọ i diezọ, emoti, enọ i je kie ewawa, gbe enọ e ko. Oghẹrẹ ẹyao ọvo ọ jariẹ hẹ nọ ọ sai siwi hi.

Jesu ọ whọku ofou ọgaga. Nọ Jesu avọ ilele riẹ a je bi okọ evaọ Abade Galili, ofou ọgaga jọ o te muhọ efou. Ozọ u te je mu ilele na gaga. Jesu ọ tẹ rẹriẹ ovao ku ofou na jẹ ta nọ: “Fọ, o jere.” Ẹkporo na ọ tẹ nwane fọ rirẹ. (Mak 4:37-39) Evaọ oke ofa jọ, Jesu ọ jọ ehru ame nya evaọ okenọ ẹkporo ọgaga o je fi.—Matiu 14:24-33.

Jesu o le izi igbegbe no ahwo oma. Izi igbegbe e goma vi ahwo-akpọ kpekufiẹ. Ahwo buobu a daoma bẹ no re a no otọ ekpakpọ ewegrẹ iyoma Ọghẹnẹ nana. Dedena, Jesu o le rai no ahwo oma unuẹse buobu, jẹ rọ ere si ahwo na no otọ ekpakpọ izi imuomu na. Ọ dhozọ izi imuomu na ha. Ukpoye, izi imuomu na i vuhu ogaga Jesu mu jẹ dhozọ riẹ.

Jesu ọ kpare enọ i whu. Uwhu nọ a jọ Ebaibol se “ọwegrẹ urere na,” ginọ ọwegrẹ nọ ohwo-akpọ ọvo ọ rẹ sai fi kparobọ họ. (1 Ahwo Kọrint 15:26) Ghele na, Jesu ọ kpare enọ i whu ziọ uzuazọ, ejọ rai họ ọmọzae aye-uku jọ, gbe ọmọtẹ ọmaha jọ nọ uwhu riẹ o wha uweri ulogbo se ọsẹgboni riẹ. Onọ o mai gbunu kpaobọ kọ onọ Jesu ọ rọ jọ iraro ogbotu nọ e jọ uweri kpare Lazarọs, ogbẹnyusu ọghaghae riẹ nọ o whu anwọ edẹ ene no! Makọ ewegrẹ Jesu dede a rọ unu rai ta inọ ọ kpare Lazarọs no uwhu ze.—Jọn 11:38-48; 12:9-11.

Fikieme Jesu o ro ru eware igbunu yena kpobi, kpakiyọ ahwo na a whu uwhremu na? O make jọ ere na, iruo igbunu Jesu e wha ewoma ibẹdẹ bẹdẹ ze. Iruo igbunu yena i dhesẹ inọ eware igbunu kpobi nọ a ruẹaro rai kpahe esuo Mesaya Ovie na e te ginẹ via. U wo ẹjiroro ọvo nọ ma rẹ rọ vro ho sọ Ovie nọ Ọghẹnẹ o ro mu na ọ te sai si ohọo, ẹyao, ọraha ofou-ọwhibo, izi imuomu, hayo tubọ uwhu notọ. O dhesẹ via no inọ Ọghẹnẹ ọ kẹ riẹ ogaga nọ o re ro si eware yena kpobi notọ.

—Wọhọ epanọ o rrọ obe Matiu, Mak, Luk, gbe Jọn.

◼ Ẹvẹ Jesu o ro dhesẹ nọ o wo ogaga vi ohọo? ẹyao? ọraha ofou-ọwhibo? izi imuomu? uwhu?

◼ Eme eware igbunu nọ Jesu o ru i dhesẹ via kpahe oke nọ o ti su otọakpọ na?

Omaa-iruo nọ e rrọ ẹwẹ-obe avọ 21]

Emuhọ

Ọnyano

Iruo-Izerẹ

Ikelakele

Iziewariẹ

Joshua

Ibruoziẹ

Rut

Jona

Maeka

Nahum

Habakuk

Zefanaya

Hagai

Zekaraya

Malakae

Matiu ●

Mak ●

Luk ●

Jọn ●

Iruẹru Ikọ Na

Ahwo Rom

1 Ahwo Kọrint

2 Ahwo Kọrint

Ahwo Galesha

Ahwo Ẹfẹsọs

Ahwo Filipai

Ahwo Kọlọsi

1 Ahwo Tẹsalonika

2 Ahwo Tẹsalonika

1 Timoti

2 Timoti

Taitọs

Filimọn

Ahwo Hibru

Jemis

1 Pita

2 Pita

1 Jọn

2 Jọn

3 Jọn

Jud

Eviavia

Abọ 19

Jesu Ọ Ta Eware nọ E te Via Evaọ Obaro

Jesu ọ fodẹ eware nọ i ti dhesẹ oka ọzino riẹ, inọ o muhọ esu no gbe inọ ekuhọ eyero akpọ nana ọ kẹle no

EVAỌ Ugbehru Olivi, nọ a be jọ ruẹ Jerusalẹm avọ etẹmpol riẹ, ilele ene Jesu jọ a tẹ lẹlẹ nọe kpahe eware jọ nọ ọ t’ẹme te no vẹre. U ri kri hi nọ Jesu ọ ta inọ a te raha etẹmpol nọ e rrọ Jerusalẹm muotọ. Yọ taure ọ tẹ te ta kpahe etẹmpol na, ọ kake ta kẹ ae no kpahe “urere akpọ na.” (Matiu 13:40, 49) Fikiere ilele na a tẹ nọe inọ: “Eme ọ rẹ te jọ oka ẹtha ra gbe urere akpọ na?”—Matiu 24:3.

Evaọ uyo, Jesu ọ tẹ vuẹ ae eware nọ e te via taure a tẹ te raha Jerusalẹm. Rekọ orọnọ etoke yena ọvo eme riẹ i kiekpahe he. Eware nọ ọ ta na i ti wo orugba ọfa nọ u ti kpomahọ akpọ na soso. Jesu ọ fodẹ eware sa-sa nọ e te via gbe uyero akpọ nọ u ti nwene, jẹ ta inọ enana kpobi e te jọ oka. Oka yena u ti dhesẹ kẹ ahwo-akpọ inọ ọzino Jesu wọhọ Ovie evaọ obọ odhiwu o muhọ no. Koyehọ Jihova Ọghẹnẹ ọ rọ Jesu mu Ovie ọrọ Uvie Mesaya nọ a ya eyaa riẹ anwẹdẹ na no. Oka na u ti dhesẹ inọ Uvie na u bi ti si emuemu kpobi no kẹle jẹ wha uvi udhedhẹ se ohwo-akpọ. Fikiere, eware nọ Jesu ọ fodẹ na e te jọ oka edẹ urere orọ eyero akpọ nana—egagọ, isuẹsu, gbe uzuazọ uyero akpọ inẹnẹ—je dhesẹ emuhọ eyero ọkpokpọ.

Nọ ọ jẹ ta kpahe eware nọ e te jọ otọakpọ via evaọ okenọ a tẹ rehọ iẹe mu ovie no evaọ obọ odhiwu, Jesu ọ ta nọ erẹwho avọ erẹwho i ti fi ẹmo, ohọo u ti mu, etọ i ti nuhẹ, ẹyao o ti vihọ, ahwo a ti koko uzi hi. Ofariẹ, uvi ilele Jesu a re ti whowho usiuwoma Uvie Ọghẹnẹ nya akpọ na soso du. Ukuhọ rai kpobi kọ ‘uye ulogbo,’ utionọ o re te via ẹdọvo ho no emuhọ akpọ na ze.—Matiu 24:21.

Kọ ẹvẹ ilele Jesu a te rọ riẹ sọ uye ulogbo na o kẹle no? Jesu ọ ta kẹ ae nọ a “jọ ure ojo rehọ uwuhrẹ.” (Matiu 24:32) Egha ure ojo e tẹ be whẹ ẹbe họ, oyena yọ oka inọ uvewhru o kẹle no. Epọvo na re, nọ eware kpobi nọ Jesu ọ ta na e tẹ be via evaọ etoke ọvona, oyena yọ oka inọ urere na o kẹle no. Ohwo ọvo ọ riẹ uzedhe ẹdẹ hayo oke nọ uye ulogbo na u ti ro muhọ họ, ajokpaọ Ọsẹ na ọvo. Fikiere, Jesu ọ tẹ hrẹ ilele riẹ inọ: “Wha roro; keme wha riẹ ezi nọ oke na u re te he.”—Mak 13:33.

—Wọhọ epanọ o rrọ obe Matiu uzou avọ 24 gbe 25; Mak uzou avọ 13; Luk uzou avọ 21.

◼ Eware jọ vẹ ilele Jesu a jẹ gwọlọ gbẹ riẹ kpahe?

◼ Eme oka nọ Jesu ọ kẹ na u dhesẹ, kọ didi eware i ru oka na via?

◼ Didi ohrẹ Jesu ọ kẹ ilele riẹ?

[Etehe nọ e rrọ ẹwẹ-obe avọ 22]

OKA ỌZINO KRISTI

Jesu ọ ta inọ ma te ruẹ oka nọ u ti dhesẹ nọ oke nọ Ọghẹnẹ ọ te rọ raha eyero akpọ ogbekuo nana ọ kẹle no. No anwọ Ẹmo Akpọ I ze, ahwo-akpọ a be rọ ẹro ruẹ eware nana nọ Jesu ọ ta na. Eware sa-sa nọ e be via evaọ egagọ, isuẹsu, gbe oghẹrẹ iyero efa jọ wariẹ akpọ na họ i bi su kpata kpata kpohọ urere akpọ nana nọ a rẹ sae vabọ no ho na. Jesu ọ vuẹ ilele riẹ inọ re a sae zọ, o gwọlọ nọ a re ‘rroro’ jẹ jowọ nọ u re dhesẹ inọ a rrọ abọ Ọghẹnẹ evaọ avro esuo ehrugbakpọ na.a—Luk 21:36; Matiu 24:3-14.

[Oruvẹ-obotọ]

[Omaa-iruo nọ e rrọ ẹwẹ-obe avọ 22]

Emuhọ

Ọnyano

Iruo-Izerẹ

Ikelakele

Iziewariẹ

Joshua

Ibruoziẹ

Rut

1 Samuẹle

2 Samuẹle

1 Ivie

2 Ivie

1 Iruẹru-Ivie

2 Iruẹru-Ivie

Ẹzra

Nehemaya

Ẹsta

Job

Ilezi

Itẹ

Ọtausiuwoma Na

Ole nọ O Vi Ile

Aizaya

Jerimaya

Enuobro

Izikiẹl

Daniẹl

Hosia

Joẹl

Emọs

Obedaya

Jona

Maeka

Nahum

Habakuk

Zefanaya

Hagai

Zekaraya

Malakae

● Matiu

● Mak

● Luk

● Jọn