ẸKPẸTI UWUHRẸ 7B
Igogo Eme nọ E Rrọ Obe Izikiẹl
“Ọmọ Ohwo”
O ROMAVIA BU VI ISIA UDHONE-GBIKPE
Unuẹse nọ a se Izikiẹl “ọmọ ohwo” u bu vi isia udhone-gbikpe. (Izik. 2:1) Jihova ọ rọ oyena kareghẹhọ iẹe nọ dede nọ o wo obọdẹ uvẹ-ọghọ sa-sa, ohwo-akpọ gheghe ọ rrọ. Oware jọ nọ ma re je muẹrohọ họ, evaọ ebe Usi Uwoma na, a se Jesu “Ọmọ ohwo” oware wọhọ isia udhone, onọ u dhesẹ nọ ohwo-akpọ dẹẹ ọ ginẹ jọ, orọnikọ ukọ-odhiwu nọ o zihe oma ruọ ohwo-akpọ họ.—Mat. 8:20.
“. . . Vẹ te Riẹ nọ Mẹ họ Jihova”
O ROMAVIA BU VI ISIA UDHUVẸ-GBIKPE
Izikiẹl o kere ẹme nọ Ọghẹnẹ ọ ta inọ ahwo a “vẹ te riẹ nọ mẹ họ Jihova” bu vi isia udhuvẹ-gbikpe, ọ tẹ rọ enẹ fi ẹgba họ ẹme na inọ Jihova ọvo u fo nọ ma rẹ gọ.—Izik. 6:7.
“Jihova Olori nọ Ọ Mai Kpehru”
O ROMAVIA ISIA EGBA IVẸ GBE IKPEGBIHRẸ (217)
Ẹme na “Jihova Olori nọ Ọ Mai Kpehru” o romavia isia egba ivẹ gbe ikpegbihrẹ (217), onọ u ru odẹ Ọghẹnẹ viodẹ wọhọ epanọ u fo, u te je dhesẹ vevẹ nọ Jihova o wuzou emama kpobi.—Izik. 2:4.