ẸKPẸTI UWUHRẸ 10C
Oware nọ U re Fiobọhọ Kẹ Omai Wariẹ Dikihẹ
OWARE nọ ma wuhrẹ no eruẹaruẹ obọdẹ nana nọ e rrọ obe Izikiẹl 37:1-14 na ze o rẹ sae bọ omai ga nọ ma te roro didi kpahe iẹe. Evaọ oghẹrẹ vẹ?
Ẹsejọ ma rẹ sae rẹriẹ ovao dhe ebẹbẹ hayo edawọ ilogbo, nọ e rẹ sai tube ru oma lọhọ omai je ru nọ ma gbe kru oma ga tere he evaọ egagọ Ọghẹnẹ. Rekọ evaọ etoke otiọnana ma te roro kpahe eruẹaruẹ Izikiẹl na, o rẹ sai fiobọhọ kẹ omai wariẹ kru oma ga. Fikieme? Eruẹaruẹ nana i wuhrẹ omai nọ Ọghẹnẹ nọ o wo ogaga nọ o ro ru igbenwa ahwo nọ i whu no ziọ uzuazọ na ọ rẹ sae kẹ omai ẹgba nọ ma sai ro fi edawọ kparobọ, makọ enọ e wọhọ nọ a rẹ sai fi kparobọ họ.—Se Olezi 18:29; Fil. 4:13.
O rẹ sae kareghẹhọ omai oware nọ Mosis ọ ta evaọ ikpe buobu taure oke Izikiẹl, ọ ta nọ Jihova o wo ogaga nọ o re ro fiobọhọ kẹ ahwo riẹ, ọ tẹ jẹ gwọlọ nọ o re ru ere. O kere nọ: “Ọghẹnẹ yọ oria adhẹzọ no oke anwae ze, igbabọ ebẹdẹ bẹdẹ riẹ e te thọ owhẹ.” (Izie. 33:27) Ẹhẹ, ma tẹ dhẹ bru Ọghẹnẹ mai na evaọ oke ẹbẹbẹ, ọ rẹ rehọ abọ riẹ kpare omai ẹmẹrera, je fiobọhọ kẹ omai wariẹ dikihẹ.—Izik. 37:10.