Orọo

Iriruo Ebaibol nọ e sai fiobọhọ kẹ owhẹ:

• Emu 24:1-4, 7—Abraham nọ ọ kpako no ọ gba riẹ mu nọ ọ rẹ gwọlọ aye kẹ Aiziki ọmọzae riẹ evaọ usu ahwo nọ a be gọ Jihova, orọnikọ ahwo Kenan nọ a jẹ gọ eghẹnẹ efa ha

• Emu 28:1-4—Aiziki ọ vuẹ Jekọp ọmọzae riẹ nọ ọ nyai wo aye evaọ usu ahwo nọ aikpobi a gbẹ be gọ Jihova, orọnikọ evaọ usu ahwo Kenan he

Iriruo Ebaibol nọ e sai fiobọhọ kẹ owhẹ:

• 1Iv 11:1-6, 9-11—Jihova ọ dha eva kẹ Solomọn ovie na fikinọ ọ rehọ eyae erẹwho efa nọ Ọghẹnẹ ọ ta nọ a rẹ rehọ họ, eyae na i te je ku udu riẹ rẹriẹ bru eghẹnẹ efa

• Neh 13:23-27—Okenọ ezae ahwo Izrẹl a wo eyae erẹwho efa, eva e dha Nehemaya ọba na gaga wọhọ epanọ eva e dha Jihova, ọ tẹ whọku ahwo na gaga jẹ kpọ ae họ

Iriruo Ebaibol nọ e sai fiobọhọ kẹ owhẹ:

• 1Sa 25:2, 3, 14-17—Dede nọ Nebale ọzae Abigẹle o fe, ekpehre ọzae ọ jọ fikinọ ọ jẹ hai dhuaro jẹ la eka

• Itẹ 21:9—Ma tẹ rehọ ekpehre ọzae hayo ekpehre aye fikinọ ma rri otọ mu hu o sae whae ze nọ ma gbe wo evawere gbe udhedhẹ hẹ

• Rom 7:2—Pọl ukọ na ọ ta nọ aye o te wo ọzae, ọzae riẹ o re wuzou riẹ te umuo jọ dede nọ ọ gba ha. Fikiere aye nọ o wo areghẹ o re mu ọzae rehọ họ, o re rri otọ mu

Oriruo Ebaibol nọ ọ sai fiobọhọ kẹ owhẹ:

• Itẹ 24:27—Taure ọzae ọ tẹ te rọo je yẹ emọ, u fo nọ o re kru obọ ga evaọ iruo re ọ sae rẹrote uviuwou riẹ

Iriruo Ebaibol nọ e sai fiobọhọ kẹ owhẹ:

• Ru 2:4-7, 10-12—Boaz ọ ruẹ nọ Rut ọ goma iruo, o te je yo kpahe iẹe nọ o wo emamọ uruemu, ọ be riẹ yeri kugbe ahwo uviuwou riẹ, o te je you Ọghẹnẹ

• Ru 2:8, 9, 20—Rut ọ ruẹ nọ Boaz ọ rrọ wowou, o re ru ọghọ, o te je you Jihova

Iriruo Ebaibol nọ e sai fiobọhọ kẹ owhẹ:

• Itẹ 5:18, 19—Ezae avọ eyae nọ e rọo no ọvo a rẹ ta oghẹrẹ eme jọ hayo ru eware jọ nọ a re ro dhesẹ nọ a you ohwohwo

• Ole 1:2; 2:6—Okenọ ọmọzae nọ ọ jọ othuru-igodẹ avọ ọmọtẹ obọ Shulam na a jẹ nya usu orọo, a ta emamọ eme nọ i dhesẹ nọ a you ohwohwo, orọnikọ eme nọ i fo ho nọ e rẹ kpare isiuru owezẹ ọzae-avọ-aye he

• Ole 4:12; 8:8-10—Ọmọtẹ Shulam na o kru oma rie ziezi, fikiere ọ jọ wọhọ ọgbọ nọ a kare

Iriruo Ebaibol nọ e sai fiobọhọ kẹ owhẹ:

• Emu 21:8-12—Jihova ọ ta kẹ Abraham nọ ọ gaviezọ kẹ Sera aye riẹ, o make rọnọ ẹme nọ Sera ọ ta ọ were Abraham ho

• Itẹ 31:10, 11, 16, 28—Ọzae owareghẹ nọ o wo emamọ aye nọ a ta kpahe evaọ eria Ebaibol nana ọ rẹ ta họ aye riẹ obọ họ hayo gwọlọ ethobọ riẹ hẹ, ukpoye o re fievahọ iẹe je jiri ei

• Ẹf 5:33—Eme nọ Pọl ukọ na o kere i dhesẹ nọ u fo re aye ọ riẹ nọ ọzae riẹ o you rie

Iriruo Ebaibol nọ e sai fiobọhọ kẹ owhẹ:

• Itẹ 1:8; 1Kọ 7:4—Jihova ọ kẹ aye gbe oniọmọ udu nọ o re ro ru eware jọ evaọ uviuwou na

• 1Kọ 11:3—Pọl ukọ na ọ ta nọ u te no Ọghẹnẹ erumeru na no, ohwo kpobi o wo ohwo nọ o wuzou riẹ evaọ ọruẹrẹfihotọ Jihova

• Hib 13:7, 17—Evaọ ukoko na, te ezae te eyae a rẹ romakpotọ je yoẹme kẹ inievo nọ e be kobaro evaọ udevie mai

Oriruo Ebaibol nọ ọ sai fiobọhọ kẹ owhẹ:

• Emu 18:12; 1Pi 3:5, 6—Sera ọ jẹ rọ adhẹẹ odidi kẹ ọzae riẹ, yọ makọ evaọ iroro riẹ dede o rri rie fihọ “olori” riẹ hayo ọnọ ọ be kobaro evaọ usu rai kugbe Jihova

Iriruo Ebaibol nọ e sai fiobọhọ kẹ owhẹ:

• Emu 24:62-67—Rebeka ọ sasa Aiziki ọzae riẹ oma evaọ okenọ oni Aiziki o whu no

• 1Sa 25:14-24, 32-38—Abigẹle ọ thọ ọzae ogheghẹ riẹ je siwi ahwo uwou riẹ evaọ okenọ ọ nyae romakpotọ lẹ Devidi

• Ẹst 4:6-17; 5:1-8; 7:1-6; 8:3-6—Ẹsta nọ ọ jọ aye ovie ọ nyabru ọzae riẹ nọ ọ jọ ovie isiava soso evaọ okenọ o se rie he dede nọ o sae wha uwhu sei, re ọ lẹe nọ ọ thọ ahwo Ọghẹnẹ