Uzioraha
Eme họ uzioraha, kọ fikieme ohwo kpobi ọ rọ rrọ ọrahauzi?
Eme Ebaibol na ọ ta nọ u dhesẹ nọ ma sai fi ikpehre isiuru kparobọ?
Iriruo Ebaibol nọ e sai fiobọhọ kẹ owhẹ:
2Sa 11:2-5, 14, 15, 26, 27; 12:1-13—Devidi ovie na ọ raha izi ilogbo, a tẹ kẹe ọwhọkuo ọgaga, rekọ o ru eware nọ i dhesẹ nọ o kurẹriẹ
Rom 7:15-24—Pọl ukọ na ọ jọ ohwo nọ o wo ẹrọwọ jẹ roma riẹ kpobi kẹ Ọghẹnẹ, rekọ iroro ethọthọ avọ ikpehre isiuru e jẹ hai fi ei ẹmo ghele
Oghẹrẹ vẹ ogbori avọ eviẹhọ i bi ro ru ahwo buobu raha uzi?
Fikieme u gbe woma vievie he nọ ma te bi kekaro fihọ raha uzi?
Eme Setan ọ sae rọ dawo idibo Ọghẹnẹ re a raha uzi?
Itẹ 1:10, 11, 15; Mt 5:28; Jem 1:14, 15
Iriruo Ebaibol nọ e sai fiobọhọ kẹ owhẹ:
Emu 3:1-6—Setan ọ rehọ araomuomu ta ẹme kẹ Ivi, ọ tẹ viẹe họ wo uruemu oriobọ gbe uvou-uthethei, o gbe fievahọ Jihova ha
Itẹ 7:6-10, 21-23—Solomọn ovie na o dhesẹ epanọ ọmoha jọ nọ o wo areghẹ hẹ o ro kie ruọ abọ aye jọ nọ ọ rrọ ogberẹ
Eme ma re ru re ma gbe kiẹ kẹ edawọ Setan he?
Iriruo Ebaibol nọ e sai fiobọhọ kẹ owhẹ:
Itẹ 5:1-14—Solomọn ovie na ọ kẹ ohrẹ nọ ọsọmọ ọ rẹ kẹ kpahe oware nọ ma rẹ rọ yọroma re ma gbe kie kẹ odawọ ọfariẹ-ogbe he, gbe epanọ ma sai ro ru ei
Mt 4:1-11—Jesu o fi obọdẹ oriruo hotọ kẹ omai kpahe epanọ ma rẹ rọ rẹroso Ẹme Ọghẹnẹ re ma siọ edawọ Setan ba ekieruọ
Izieraha ilogbo jọ vẹ Ileleikristi a rẹ raha ha?
Rri “Eware Iyoma”
Eva izieraha nọ a rẹ fa
Fikieme u gbe fo ho re ma daoma ko izieraha mai dhere?
Ono o gba omai họ nọ ma rẹ feva izieraha mai kẹ?
Ono họ ohwo nọ ọ be hai fiobọhọ lẹ Jihova kẹ omai?
Ẹvẹ ohwo nọ ọ raha uzi o re ro dhesẹ nọ o kurẹriẹ no?
Je rri “Ekurẹriẹ”
Iriruo Ebaibol nọ e sai fiobọhọ kẹ owhẹ:
Ọny 22:1-12—Uzi nọ Ọghẹnẹ ọ rehọ Mosis kẹ ahwo Izrẹl o ta nọ, oji ọ rẹ hwa oware nọ o tho zihe kẹ ohwo nọ o wo oware na
Luk 19:8, 9—Zakiọs nọ ọ jọ ohwo ologbo nọ o re mi osa-uzou ọ siọ eware iyoma nọ o je ru ba jẹ hwa eware nọ ọ rọ ofruriọ mi ahwo kẹ ae ro dhesẹ nọ o kurẹriẹ no
Fikieme o sai ro mu omai ẹro nọ Jihova ọ rẹ rọvrẹ omai?
Rri “Erọvrẹ”
Nọ ohwo ọ tẹ raha uzi ulogbo jọ, amono Jihova o fihọ nọ a re fiobọhọ kẹ ohwo na, a vẹ jẹ thọ ukoko na?
Je rri Iru 20:28; Gal 6:1
Nọ ma tẹ raha uzi ulogbo, ẹvẹ o sai ro kpomahọ amọfa nọ a rrọ uviuwou mai gbe ukoko na?
Je rri Izi 29:18
Iriruo Ebaibol nọ e sai fiobọhọ kẹ owhẹ:
Jos 7:1-13, 20-26—Okenọ Ekan ọ raha uzi ulogbo, ọ jẹ gwọlọ ko ẹe dhere, yọ o wha okpẹtu se ahwo Izrẹl kpobi
Jon 1:1-16—Jona ọruẹaro na o fi uzuazọ ahwo kpobi nọ a jọ okọ na họ ọza fikinọ ọ jẹ dhẹ siọ uwou nọ Jihova o vi rie ba
1Kọ 5:1-7—Pọl ukọ na ọ fere uzioraha ulogbo jọ nọ ohwo jọ ọ jẹ raha evaọ ukoko Kọrint via, onọ o jẹ raha ukoko na soso
Fikieme ozọ nọ a te whọku omai o gbẹ whaha omai ẹnyabru nọ ma rẹ nyabru ekpako na re a fiobọhọ kẹ omai hi?
Fikieme u re ro mu omai ẹro nọ Ọghẹnẹ ọ rọvrẹ omai no ukpenọ ọkora ọ rẹ da omai oma fia fiki uzi nọ ma raha evaọ okenọ u kpemu?
Rri “Erọvrẹ”
Ma tẹ riẹ nọ ohwo jọ ọ raha ulogbo jọ, fikieme ma rẹ rọ daoma ruẹ nọ ohwo na ọ vuẹ ekpako ukoko na?
Oriruo Ebaibol nọ ọ sai fiobọhọ kẹ owhẹ:
Izi 13:6-9; 21:18-20—Uzi Mosis na o ta nọ, otẹrọnọ ohwo uwou obọ ohwo ọ raha uzi ulogbo jọ, ahwo uwou riẹ a rẹ rehọ iẹe se ekpako na