ᔩᓱᓯᐅᑉ ᑐᖁᑕᐅᓂᖓ ᖃᓄᖅ ᑐᑭᖃᖅᐸ ᐃᓕᓐᓄᑦ?

ᔩᓱᓯ ᑐᖁᓚᐅᖅᐳᖅ ᐃᓅᓯᖃᕈᓐᓇᖁᓪᓗᑕ. ᔪᐊᓇᓯᐅᑉ ᐊᒡᓚᖏᑦ 3:16

ᐅᓪᓗᐃᑦ ᐱᖓᔪᐊᓐᓂᒃ ᔩᓱᓯ ᑐᖁᖓᓕᖅᑎᓪᓗᒍ, ᐊᕐᓇᐃᑦ ᐅᐸᑦᓯᓚᐅᖅᑐᑦ ᐃᓗᕕᕐᒧᑦ ᑭᓯᐊᓂᓕ ᑎᒥᑕᖃᓚᐅᙱᑦᑐᖅ. ᔨᐅᕙᐅᑉ ᒪᑭᑎᓚᐅᖅᑕᖓ ᔩᓱᓯ ᑐᖁᒥᑦ.

ᑭᖑᓂᖓᒍᑦ ᔩᓱᓯ ᑕᑯᑦᓴᕈᖅᑎᓚᐅᖅᑐᖅ ᐋᐴᓯᑕᓖᖏᓐᓄᑦ.

ᐄᓛᒃ, ᔨᐅᕙᐅᑉ ᒪᑭᑎᓚᐅᖅᐹ ᔩᓱᓯ ᐱᔪᓐᓇᖅᑐᒻᒪᕆᐅᓕᕐᓗᓂ, ᑐᖁᔪᓐᓇᖏᓪᓗᓂᓗ ᐊᓂᕐᓂᐅᓕᕐᓗᓂᓗ. ᔩᓱᓯᐅᑉ ᐃᓕᓐᓂᐊᖅᑎᖏᓐᓄᑦ ᑕᑯᔭᐅᓚᐅᖅᑐᖅ ᕿᓚᓕᐊᖅᑎᓪᓗᒍ.

ᒎᑎᐅᑉ ᐆᒻᒪᖅᑎᓚᐅᖅᐹ ᔩᓱᓯ ᐊᒻᒪᓗ ᐊᖓᔪᖄᖑᓕᖅᑎᓪᓗᓂᐅᒃ ᒎᑎᐅᑉ ᐊᑕᓂᐅᕕᖓᓂ. ᑖᓂᐊᓕᐅᑉ ᐊᒡᓚᖏᑦ 7:13, 14

ᔩᓱᓯ ᐃᓅᓯᓂ ᑐᓂᓚᐅᖅᐹ ᐊᑭᓕᐅᑎᑦᓴᐅᔪᒪᓪᓗᓂ ᐃᓄᓕᒫᓄᑦ. (ᒫᑎᐅᓯᐅᑉ ᐊᒡᓚᖏᑦ 20:28) ᑖᑦᓱᒨᓇ ᐊᑭᓕᐅᑎᖓᒍᑦ, ᒎᑎᐅᑉ ᐃᓅᓯᖃᕈᓐᓇᓕᖅᑎᓯᒪᕚᑎᒍᑦ ᐃᓱᖃᙱᑦᑐᒧᑦ.

ᔨᐅᕙᐅᑉ ᑎᓕᓚᐅᖅᐹ ᔩᓱᓯ ᐊᖏᔪᖅᑳᕐᔪᐊᙳᖅᑎᓪᓗᒍ ᓄᓇᕐᔪᐊᓕᒫᒥ. ᐃᓚᒋᓛᖅᐸᐃᑦᑕᐅᖅ 144,000 ᐅᑉᐱᖅᑐᐃᑦ ᐃᓄᐃᑦ ᐆᒻᒪᖅᑎᑕᐅᓯᒪᔪᑦ ᓄᓇᕐᔪᐊᕐᒦᙶᓯᒪᔪᑦ ᐃᓅᓯᖃᓕᕐᓗᑎᑦ ᕿᓚᒻᒥ. ᔩᓱᓯ 144,000–ᓗ ᐋᖅᑮᔪᒫᖅᐳᑦ ᐊᑲᐅᔪᒥᒃ ᒐᕙᒪᐅᔪᒥᒃ ᕿᓚᒻᒥ—ᑖᓐᓇ ᐊᑕᓂᐅᕕᖓ ᒎᑎᐅᑉ.​—ᔪᐊᓇᓯᐅᑉ ᑕᑯᑎᑕᐅᓂᖏᑦ 14:1-3.

ᒎᑎᐅᑉ ᐊᑕᓂᐅᕕᖓ ᐊᓯᔾᔨᓂᐊᖅᐹ ᓄᓇᕐᔪᐊᕗᑦ ᖁᕕᐊᓇᖅᑐᕕᐅᓕᕐᓗᓂ. ᐱᑕᖃᕈᓐᓃᕈᒫᖅᐳᑦ ᐅᓇᑕᖃᑦᑕᕐᓃᑦ, ᐱᕋᔭᓐᓃᑦ, ᐊᔪᖅᓴᕐᓂᖅ, ᑳᖃᑦᑕᕐᓂᕐᓗ. ᐃᓄᓕᒫᑦ ᖁᕕᐊᓱᓐᓂᖃᒻᒪᕆᒍᒫᖅᐳᑦ.​—ᐃᙱᕈᑎᑦ 145:16.